തിരുവനന്തപുരം: കടുത്ത വേനലിൽ നാടും നഗരവും ചുട്ടു പൊള്ളുമ്പോൾ മഞ്ഞപ്പിത്ത രോഗം പടർന്ന് പിടിക്കുന്നു. വെള്ളമില്ലാതെ വലയുന്നിടങ്ങളിൽ ടാങ്കറിലും മറ്റും എത്തുന്ന ജലത്തിൽ നിന്നാണ് രോഗം പടർന്ന് പിടിക്കുന്നതെന്നാണ് സംശയം. മൂന്നു മാസത്തിനിടെ 8203 പേരെയാണ് രോഗം പിടികൂടിയിരിക്കുന്നത്. 17 പേർ മരിക്കുകയും ചെയ്തു. രോഗബാധിതരുടെ എണ്ണം ഇനിയും കൂടാനാണ് സാധ്യതയെന്ന് ആരോഗ്യവകുപ്പ് ചൂണ്ടിക്കാണിക്കുന്നു.  കഴിഞ്ഞ വർഷം മാർച്ചിൽ 2203 പേർക്ക് രോഗം ബാധിച്ചുവെങ്കിൽ ഈ മാർച്ചിൽ അത് 3,166 ആയി. ഈ മാർച്ചിൽ മാത്രം മഞ്ഞപ്പിത്തം ബാധിച്ച് പത്തോളം പേരാണ് മരണത്തിന് കീഴടങ്ങിയത്.  

മഞ്ഞപ്പിത്തത്തിന് തുടക്കത്തിലേ ചികിത്സ തേടാത്തതാണ് പലരെയും ആശുപത്രി കിടക്കകളിൽ എത്തിച്ചത്. ഹെപ്പറ്റൈറ്റീസ് എ വൈറസ് കരളിനെയാണ്  ബാധിക്കുന്നത്. പ്രായമായവരിലും ഗർഭിണികളിലും കുട്ടികളിലുമാണ് മഞ്ഞപ്പിത്തം പിടിമുറുക്കിയത്. ശുദ്ധമല്ലാത്ത ജലത്തിൽ ഉണ്ടാക്കിയ ഭക്ഷണപാനീയങ്ങളിൽ നിന്നും രോഗം പടർന്ന് പിടിക്കും. കുടാതെ രോഗബാധിതരുമായുള്ള സമ്പർക്കവും മഞ്ഞപ്പിത്തം പടരാൻ ഇടയാക്കും. 

The health department warns that the number of cases may continue to rise. Poor water quality and unsanitary food and beverages are believed to be the main sources of transmission. Vulnerable groups, including the elderly, pregnant women, and children, are particularly at risk.