തിരുവനന്തപുരം: പരിപാടിക്കിടെ  കണ്ണിമാങ്ങ ഞെട്ടറ്റ് മന്ത്രി വി.ശിവന്‍കുട്ടിയുടെ തലയിലേക്ക്. ഉടന്‍ തന്നെ കൈപ്പിടിയിലൊതുക്കി മന്ത്രി അത് തൊട്ടടുത്തിരുന്ന നോര്‍ക്ക സെക്രട്ടറി കെ വാസുകിക്ക് കൈമാറി. ബഹ്‌റൈന്‍ സര്‍ക്കാരിന്റെ പരമോന്നത ബഹുമതി ലഭിച്ച വ്യവസായി രവി പിള്ളയെ ആദരിക്കുന്ന ചടങ്ങിലാണ് മന്ത്രി വി.ശിവന്‍കുട്ടിയുടെ തലയിലേക്ക് കണ്ണിമാങ്ങ വീണത്.

ഇനിയും തലയിലേക്കു മാങ്ങ വീഴുമോയെന്നു മുകളിലേക്കു നോക്കുന്ന മന്ത്രിയുടെയും പുഞ്ചിരിയോടെ തൊട്ടടുത്തിരിക്കുന്ന വാസുകിയുടെയും ചിത്രം പകര്‍ത്തിയത് കേരള മീഡിയ അക്കാദമിയില്‍ ഫോട്ടോജേണലിസ്റ്റ് വിദ്യാര്‍ഥിയായ സുപര്‍ണയുടേതായിരുന്നു.

ഈ ചിത്രം ശ്രദ്ധയില്‍പ്പെട്ടതോടെ മന്ത്രി തിങ്കളാഴ്ച അദ്ദേഹത്തിന്റെ ഫെയ്‌സ്ബുക്ക് പേജില്‍ ചിത്രം പങ്കുവെച്ച് സുപര്‍ണയെ അഭിനന്ദിച്ചു.

കണ്ണിമാങ്ങ വീണ ആ നിമിഷം പകര്‍ത്താനായില്ലെങ്കിലും തൊട്ടടുത്ത നിമിഷം പകര്‍ത്താനായതിന്റെ സന്തോഷത്തിലാണ് സുപര്‍ണ. ഭാവിയില്‍ ഇത്തരം നിരവധി ഫോട്ടോകള്‍ എടുക്കാന്‍ അവസരം ഉണ്ടാകട്ടെ എന്ന് മന്ത്രി സുപര്‍ണയെ ആശംസിച്ചു. 

മന്ത്രിയുടെ പോസ്റ്റിന്റെ പൂര്‍ണരൂപം