അബൂദബി: അബൂദബിയില്‍ ഉപേക്ഷിക്കപ്പെട്ട നിലയില്‍ കണ്ടെത്തിയ വാഹനങ്ങളുടെ ഉടമകള്‍ക്ക് മുന്നറിയിപ്പ് നല്‍കി അധികൃതര്‍. അഞ്ച് ദിവസത്തെ 'മൈ ക്ലീന്‍ വെഹിക്കിള്‍' ക്യാംപെയ്‌നില്‍ അബൂദബി അധികൃതര്‍ ഉപേക്ഷിക്കപ്പെട്ട വാഹനങ്ങള്‍ കണ്ടെത്തിയതിനെ തുടര്‍ന്നാണ് മുന്നറിയിപ്പ്. കാറുകള്‍ ഉപേക്ഷിക്കുന്നതിന് 3,000 ദിര്‍ഹം പിഴയും വാഹനം കണ്ടുകെട്ടലുമാണ് ശിക്ഷ. വാഹനങ്ങള്‍ ഉപേക്ഷിക്കുകയോ പൊടിയില്‍ മൂടുകയോ ചെയ്യരുതെന്നും നിര്‍ദേശിച്ച അധികൃതര്‍ നഗരത്തിന്റ സൗന്ദര്യം സംരക്ഷിക്കേണ്ടതിന്റെ പ്രാധാന്യത്തെക്കുറിച്ചും ഉടമകളെ ബോധവല്‍ക്കരിച്ചു.

സാമൂഹിക പ്രതിബദ്ധതയുടെ സംസ്‌കാരം വളര്‍ത്തിയെടുക്കുന്നതിനും നിഷേധാത്മകമായ പെരുമാറ്റങ്ങളും ശീലങ്ങളും ഒഴിവാക്കുന്നതിനായി സമൂഹത്തില്‍ അവബോധം വളര്‍ത്താനും ക്യാംപെയ്ന്‍ ലക്ഷ്യമിട്ടു. അയല്‍പക്കങ്ങളുടെയും പാര്‍പ്പിട പ്രദേശങ്ങളുടെയും സൗന്ദര്യം വര്‍ധിപ്പിക്കുന്നതിനെക്കുറിച്ചും വൃത്തിയുള്ളതും ആരോഗ്യകരവുമായ അന്തരീക്ഷം സംരക്ഷിക്കുന്നതിനെക്കുറിച്ചും ക്യാംപെയ്ന്‍ പ്രചാരണം നടത്തി.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Abu Dhabi has launched the "My Clean Vehicle" campaign, aiming to promote eco-friendly transportation and reduce vehicle emissions. The initiative encourages residents to maintain their vehicles' environmental fitness, contributing to a cleaner and healthier environment.