വയനാട്ടിലെ ചെലവിന്റെ യഥാര്ത്ഥ കണക്ക് സര്ക്കാര് പുറത്തുവിടണം; ഇല്ലെങ്കില് കോണ്ഗ്രസ് പ്രക്ഷോഭത്തിലേക്ക്
തിരുവനന്തപുരം: വയനാട് ദുരന്തവുമായി ബന്ധപ്പെട്ട് സംസ്ഥാന സര്ക്കാരിന് ചെലവായ തുകയുടെ യഥാര്ഥ കണക്കുകള് പുറത്തുവിടണമെന്ന് കെ.പി.സി.സി പ്രസിഡന്റ് കെ. സുധാകരന്. യഥാര്ഥ കണക്ക് പുറത്തുവിടാന് സര്ക്കാര് തയ്യാറായില്ലെങ്കില് കോണ്ഗ്രസ് പ്രക്ഷോഭത്തിലേക്ക് നീങ്ങുമെന്നും സുധാകരന് പറഞ്ഞു.
പുറത്തുവന്ന കണക്കുകള് അവിശ്വസനീയമാണ്. പ്രളയകാലത്തും, കോവിഡ് കാലത്തും തട്ടിപ്പില് പ്രതിസ്ഥാനത്ത് നില്ക്കുന്ന ഇടതുസര്ക്കാരിന്റെ ഏറ്റവും പുതിയ കൊള്ളയാണിത്. ദുരന്തം ഉണ്ടാകാന് കാത്തിരിക്കുന്ന പോലെയാണ് പിണറായി സര്ക്കാരിന്റെ പ്രവര്ത്തികള്. പാവങ്ങളുടെ പിച്ചച്ചട്ടിയിലാണ് സര്ക്കാര് കയ്യിട്ട് വാരിയതെന്നും സുധാകരന് കുറ്റപ്പെടുത്തി.
അതേസമയം വയനാട് ദുരന്തവുമായി ബന്ധപ്പെട്ട് വിവിധ ഇനത്തില് ചെലവഴിച്ച തുകയെന്ന പേരില് പുറത്തുവന്ന കണക്ക് വസ്തുതാ വിരുദ്ധമെന്നാണ് മുഖ്യമന്ത്രി പിണറായി വിജയന് പ്രതികരിച്ചത്. ദുരന്തവുമായി ബന്ധപ്പെട്ട അധിക സഹായം തേടി കേന്ദ്ര സര്ക്കാരിന് സമര്പ്പിച്ച നിവേദനത്തിലെ വിവരങ്ങളാണിതെന്ന് പറഞ്ഞ മുഖ്യമന്ത്രി, കേന്ദ്ര സഹായം നേടാനുള്ള സംസ്ഥാന സര്ക്കാരിന്റെ ശ്രമങ്ങള്ക്ക് തുരങ്കം വെക്കുന്ന സമീപനമാണ് ഇതെന്നും കുറ്റപ്പെടുത്തിയിരുന്നു.
Govt should release actual cost figure in Wayanad landslide says kpcc president k sudhakaran
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."