ന്യൂഡല്‍ഹി: രാജ്യത്തെ ആദ്യ വന്ദേ മെട്രോ ട്രെയിന്‍ ഉദ്ഘാടനത്തിന് തൊട്ടുമുമ്പായി പേര് മാറ്റി. നമോ ഭാരത് റാപിഡ് റെയില്‍ എന്ന പേരിലാകും വന്ദേ മെട്രോ അറിയപ്പെടുക. ഗുജറാത്തിലെ കച്ച് ജില്ലയിലെ ഭുജില്‍നിന്ന് അഹമ്മദാബാദിലേക്കാണ് ആദ്യ വന്ദേ മെട്രോ സര്‍വീസ്. സര്‍വീസ് പ്രധാനമന്ത്രി മോദി ഇന്ന് ഫ്‌ളാഗ് ഓഫ് ചെയ്യും. 

ഭുജ് മുതല്‍ അഹമ്മദാബാദ് വരെയുള്ള 359 കിലോ മീറ്റര്‍ ദൂരം 5.45 മണിക്കൂറകള്‍ കൊണ്ട് നമോ ഭാരത് റാപിഡ് റെയില്‍ താണ്ടും. ഒമ്പത് സ്റ്റേഷനുകളിലാണ് ഈ ട്രെയിനിന് സ്റ്റോപ്പുള്ളത്. ബുധനാഴ്ച്ചയോടെയാകും ട്രെയിന്‍ സ്ഥിര സര്‍വീസ് ആരംഭിക്കുക. 1,150 യാത്രക്കാര്‍ക്ക് ഇരുന്ന് സഞ്ചരിക്കാവുന്ന ട്രെയിനില്‍ ആകെ 2,058 വരെ യാത്രക്കാരെ ഉള്‍ക്കൊള്ളാനാകും.