വടക്കാഞ്ചേരി: അകമല ശ്രീധര്‍മ്മ ശാസ്താ ക്ഷേത്രത്തിലെ പ്രതിഷ്ഠാദിനാഘോഷത്തില്‍ പങ്കെടുക്കാന്‍ ആയിരങ്ങളെത്തി. ഉപദേവതകളായ മഹാഗണപതി, ശ്രീ ഭഗവതി എന്നീ വിഗ്രഹങ്ങളുടെ പ്രതിഷ്ഠയും നടന്നു.
ക്ഷേത്രം തന്ത്രി ഡോ. ടി.എസ് വിജയന്‍ കാര്‍മികത്വം വഹിച്ചു. അത്തം നക്ഷത്രമായ ഇന്നലെ രാവിലെ 10.30 നും, 11 നും ഇടയിലുള്ള മുഹൂര്‍ത്തത്തിലായിരുന്നു പ്രതിഷ്ഠ. ക്ഷേത്രം പൂര്‍ണമായും പുനര്‍ നിര്‍മിച്ചതിന്റെ ഭാഗമായിട്ടായിരുന്നു ഉപദേവത പ്രതിഷ്ഠ. രാവിലെ പല്ലാവൂര്‍ ശ്രീധര മാരാരും സംഘവും നേതൃത്വം നല്‍കിയ പഞ്ചവാദ്യം ക്ഷേത്രാങ്കണത്തെ നാദസാഗരത്തിലാറാടിച്ചു.
കലശാഭിഷേകവും, മംഗള പൂജയും നടന്നു. പ്രസാദ ഊട്ടും സംഘടിപ്പിച്ചിരുന്നു. ക്ഷേത്ര ട്രസ്റ്റ് പ്രസിഡന്റ് എം.എസ് ധര്‍മ്മ രാജന്‍, സെക്രട്ടറി ടി.എന്‍ സുകുമാരന്‍, ട്രഷറര്‍ എം.എ കുഞ്ചു എന്നിവര്‍ നേതൃത്വം നല്‍കി.