കോഴിക്കോട്: എസ്.കെ.എസ്.എസ്.എഫ് സംസ്ഥാന കമ്മിറ്റി നടത്തുന്ന റമദാന്‍ കാംപയിന്റെ സംസ്ഥാനതല ഉദ്ഘാടനം അഞ്ചിന് കോഴിക്കോട് അരീക്കാട് വച്ച് നടക്കും. 'സഹനം, സമരം, സമര്‍പ്പണം'എന്ന സന്ദേശവുമായി നടത്തുന്ന കാംപയിന്റെ ഭാഗമായി സംസ്ഥാനത്തെ തെരഞ്ഞെടുക്കപ്പെട്ട കേന്ദ്രങ്ങളില്‍ ജൂലൈ രണ്ടിന് ഖുര്‍ആന്‍ ടാലന്റ് ടെസ്റ്റ് നടത്തും.
ഒരുദിനം ഒരു തിരുവചനം എന്ന ഹദീസ് പഠനം സാമൂഹ്യമാധ്യമങ്ങള്‍ വഴിയും നടത്തും. റമദാനിലെ പ്രത്യേക ദിനങ്ങളെ കുറിച്ചും ആരാധന, ആചാരരീതികളെ കുറിച്ചും ബോധവല്‍ക്കരണം നടത്തും. ക്ലസ്റ്റര്‍ തലങ്ങളില്‍ തസ്‌കിയത്ത് മീറ്റ്, മേഖലാ തലങ്ങളില്‍ സാമ്പത്തിക സെമിനാര്‍, ജില്ലാതല സംവേദനങ്ങള്‍ എന്നിവയും സംഘടിപ്പിക്കും .

ഞായറാഴ്ച വൈകിട്ട് ഏഴിന് അരീക്കാട് മദ്‌റസ ഓഡിറ്റോറിയത്തില്‍ നടക്കുന്ന സംസ്ഥാനതല ഉദ്ഘാടനം പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില്‍ ഡോ. ബഹാഉദ്ദീന്‍ മുഹമ്മദ് നദ്‌വി ഉദ്ഘാനം ചെയ്യും. ഓണമ്പിള്ളി മുഹമ്മദ് ഫൈസി പ്രമേയപ്രഭാഷണം നടത്തും. കെ.മോയിന്‍കുട്ടി മാസ്റ്റര്‍, മുസ്തഫ മുണ്ടുപാറ, നാസര്‍ ഫൈസി കൂടത്തായി, സയ്യിദ് മുബശ്ശിര്‍ തങ്ങള്‍ ജമലുല്ലൈലി പ്രസംഗിക്കും.
ഉദ്ഘാടനസംഗമം വിജയിപ്പിക്കുന്നതിനുവേണ്ടി ചേര്‍ന്ന ആലോചനാ യോഗത്തില്‍ റശീദ് ഫൈസി വെള്ളായിക്കോട് അധ്യക്ഷനായി.
പി. മൊയ്തീന്‍കുട്ടി ഹാജി, കെ. നൗഷാദ്, പി. റിയാസ്, റിയാസ് ഫൈസി, ശംസുദ്ദീന്‍ ഹാജി, അസ്‌കര്‍ അരീക്കാട്, ഫബശ്ശിര്‍, മുഹമ്മദ് ലിജാസ്, വി.പി അസീസ് പ്രസംഗിച്ചു. കെ. ഹനീഫ സ്വാഗതവും മുഹമ്മദ് അഫ്‌സല്‍ നന്ദിയും പറഞ്ഞു.