2021 October 27 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

അതെ, മുട്ടയിടാത്ത കോഴി പ്രസവിച്ചു; ഒന്നല്ല, നാലു കുഞ്ഞുങ്ങള്‍, അപൂര്‍വ താരമായി ദീപക് സഹാരിയയുടെ കോഴിയും കുഞ്ഞുങ്ങളും

ഗുവാഹത്തി: കോഴിക്ക് മുലവന്നില്ലെങ്കിലും കോഴി പ്രസവിച്ചു. അതെ. ഒന്നും രണ്ടുമല്ല നാല് കുഞ്ഞുങ്ങള്‍. ആസാമിലെ ഉദല്‍ഗുരി ജില്ലയിലാണ് അപൂര്‍വ സംഭവം. മൂന്ന് മാസമായി മുട്ട ഇടാത്ത കോഴിയാണ് ഒരുമിച്ച് നാലു കുഞ്ഞുങ്ങളെ പ്രസവിച്ച് അത്ഭുതമായത്.

ദീപക് സഹാരിയ എന്ന കോഴി വളര്‍ത്തലുകാരന്റെ വീട്ടിലെ കോഴിയാണ് നാല് കുഞ്ഞുങ്ങളെ പ്രസവിച്ചത്. വിവരമറിഞ്ഞ് പ്രസവിച്ച കോഴിക്കുഞ്ഞുങ്ങളെ കാണാന്‍ ആളുകളുടെ പ്രവാഹമാണിപ്പോള്‍. ആദ്യ പ്രസവത്തിലെ നാല് കുഞ്ഞുങ്ങളില്‍ രണ്ടെണ്ണം ചത്തുപോയി. പ്രസവിച്ച കോഴി വനരാജ് എന്ന് പ്രത്യേക ഇനത്തില്‍പെട്ടവയാണെന്നാണ് ഹൈദരാബാദിലെ ഐ.സി.എ.ആര്‍ ഡയറക്ടറേറ്റ് ഓപ് പൗള്‍ട്രി റിസര്‍ച്ചിന്റെ കണ്ടെത്തല്‍.

കോഴിയുടെ പ്രത്യുല്‍പ്പാദന സിസ്റ്റത്തിനുള്ളിലിരുന്നുതന്നെ മുട്ട വിരിഞ്ഞതാകാമെന്നും സംശയമുണ്ട്. പലപ്പോഴും സസ്തനികള്‍ക്കും പക്ഷികള്‍ക്കും പൊതുവായ പൂര്‍വ്വികരുണ്ടാകാറുണ്ടെന്നും അതുകൊണ്ടുതന്നെ ഇത്തരത്തിലുള്ള അപൂര്‍വ്വ സംഭവങ്ങള്‍ ജനിതക കാരണങ്ങളാല്‍ സാധ്യമാണെന്നുമാണ് വിദഗ്ധരുടെ വിലയിരുത്തല്‍.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.