അബുദാബി∙ മലപ്പുറം സ്വദേശിയായ യുവാവ് യുഎഇയിൽ ബന്ധുവിന്റെ കുത്തേറ്റ് മരിച്ചു. ചങ്ങരംകുളം നന്നംമുക്ക് സ്വദേശി കുമ്പില വളപ്പിൽ യാസർ അറഫാത്ത് (38) ആണ് കുത്തേറ്റ് മരിച്ചത്. അബുദാബി മുസഫയിലാണ് സംഭവം.

യാസർ നടത്തുന്ന കളർ വേൾഡ് ഗ്രാഫിക്സ് ഡിസൈനിങിലേക്കു രണ്ടു മാസം മുൻപ് കൊണ്ടുവന്ന ബന്ധു മുഹമ്മദ് ഗസാനിയാണു കൊലപാതകം നടത്തിയത്.സാമ്പത്തിക തർക്കത്തെ തുടർന്നുണ്ടായ വഴക്കാണ് കൊലപാതകത്തിലേക്ക് നയിച്ചതെന്നാണു സൂചന.

കുമ്പില വളപ്പിൽ അബ്ദുൽഖാദറിന്റെയും ഖദീജകുട്ടിയുടെയും മകനാണ് കൊല്ലപ്പെട്ട യാസർ അറഫാത്ത്. ഭാര്യ റംല ഗർഭിണിയാണ്. 2 മക്കളുണ്ട്.