2022 November 30 Wednesday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

രണ്ടാം റൗണ്ട് പോരാട്ടങ്ങള്‍ക്ക് ഇന്ന് തുടക്കം

 

ഇംഗ്ലണ്ട്-യു.എസ്.എ, ഖത്തര്‍-സെനഗല്‍, ഇറാന്‍-വെയ്ല്‍സ്, നെതര്‍ലന്‍ഡ്‌സ്-ഇക്വഡോര്‍ മല്‍സരങ്ങള്‍ ഇന്ന്

ദോഹ: ഖത്തര്‍ ലോകകപ്പിലെ 32 ടീമുകളുടെയും ഓരോ മല്‍സരങ്ങള്‍ പൂര്‍ത്തിയായതോടെ രണ്ടാം റൗണ്ട് പോരാട്ടങ്ങള്‍ക്ക് ഇന്ന് തുടക്കം. ആദ്യ മല്‍സരത്തില്‍ വിജയിക്കാത്തവര്‍ക്ക് ഇനിയുള്ള മല്‍സരങ്ങള്‍ നിര്‍ണായകമാണ്.

ആതിഥേയരായ ഖത്തറും കരുത്തരായ സെനഗലും തമ്മിലുള്ള പോരാട്ടമാണ് ഇന്നത്തെ പ്രധാന മല്‍സരങ്ങളിലൊന്ന്. മുറിവേറ്റ ഇരു ടീമുകളും ആദ്യ മല്‍സരത്തില്‍ ഇരട്ട ഗോളുകള്‍ക്കാണ് തോറ്റത്. ഗ്രൂപ്പ് എയില്‍ ഖത്തര്‍ ഇക്വഡോറിനോട് പരാജയപ്പെട്ടപ്പോള്‍ സെനഗല്‍ നെതര്‍ലന്‍ഡ്‌സിനോട് അടിയറ പറഞ്ഞു. ഏഷ്യന്‍ ടീമുകളായ സഊദിയും ജപ്പാനും വിജയിച്ചതും കൊറിയയുടെ വിജയത്തോടൊപ്പമെത്തിയ സമനിലയും ഖത്തറിനെ ഇന്ന് സ്വന്തം കാണികളുടെ മുന്നില്‍ എല്ലാം മറന്ന് പോരാടാന്‍ പ്രേരിപ്പിക്കും. വൈകുന്നേരം 6.30നാണ് മല്‍സരം.

ഇംഗ്ലണ്ട്-അമേരിക്ക മല്‍സരം രാത്രി 12.30നാണ്. ആദ്യ മല്‍സരത്തില്‍ എതിരാളികളെ ഗോളില്‍ മുക്കിയ ഇംഗ്ലണ്ട് ഉജ്വലഫോമിലാണ്. യുവ പ്രതിഭകളാല്‍ സമ്പന്നമായ ഇംഗ്ലണ്ടിനു മുന്നില്‍ അമേരിക്ക എത്രസമയം പിടിച്ചുനില്‍ക്കുമെന്നാണ് അറിയേണ്ടത്.

രാത്രി 9.30നാണ് നെതര്‍ലന്‍ഡ്‌സും ഇക്വഡോറും കൊമ്പുകോര്‍ക്കുക. ഇരു ടീമുകളും ഓരോ ജയവുമായി ഗ്രൂപ്പില്‍ മുന്നിട്ടുനില്‍ക്കുന്നു. ഇന്ന് വിജയിക്കുന്നവര്‍ക്ക് അടുത്ത റൗണ്ടിലേക്ക് ടിക്കറ്റ് ഉറപ്പാക്കാം.

ഗ്രൂപ്പ് ബിയില്‍ ഇന്ന് 3.30ന് ഏഷ്യന്‍ ശക്തികളായ ഇറാന്‍ വെയ്ല്‍സുമായാണ് മല്‍സരിക്കുക. ഇറാന്‍ ആദ്യ മല്‍സരത്തില്‍ ഇംഗ്ലണ്ടിനോട് 6-2നു തോറ്റപ്പോള്‍ വെയ്ല്‍സ് അമേരിക്കയോട് 1-1ന് സമനില നേടിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.