2022 November 28 Monday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

കാബൂളില്‍ പാക് വിരുദ്ധ പ്രതിഷേധം; പ്ലക്കാര്‍ഡുകളും മുദ്രാവാക്യങ്ങളുമായി സ്ത്രീകളും, പിരിച്ചുവിടാന്‍ ആകാശത്തേക്ക് വെട്വെച്ച് താലിബാന്‍

കാബൂള്‍: അഫ്ഗാന്‍ തലസ്ഥാനമായ കാബൂളില്‍ പാകിസ്താനെതിരെ സ്ത്രീകളടക്കം അണിനിരന്ന വന്‍ പ്രതിഷേധം. പഞ്ച്ഷീര്‍ പിടിക്കാനുള്ള താലിബാന്റെയും പാക് ഭരണകൂടത്തിന്റെയും നീക്കത്തിനെതിരെയായിരുന്നു പ്രതിഷേധം. ഐ.എസ്.ഐ ഡയരക്ടര്‍ അടക്കമുള്ള പാക് വൃത്തങ്ങള്‍ താമസിക്കുന്ന കാബൂളിലെ ഹോട്ടലിലേക്ക് പ്രതിഷേധം നീണ്ടതോടെ സമരക്കാരെ പിരിച്ചുവിടാന്‍ താലിബാന്‍ ആകാശത്തേക്ക് വെടിവച്ചു.

നൂറുകണക്കിനു സ്ത്രീകളാണ് പ്രതിഷേധത്തിന്റെ ഭാഗമായത്. പാകിസ്താനെതിരെ ഇവര്‍ പ്ലക്കാര്‍ഡുകളുയര്‍ത്തുകയും മുദ്രാവാക്യം മുഴക്കുകയും ചെയ്തു. പ്രതിഷേധം ഹോട്ടലിലേക്കുള്ള വഴിയില്‍ പ്രസിഡന്റിന്റെ കൊട്ടാരത്തിനുമുന്നിലെത്തിയതോടെ താലിബാന്‍ സൈന്യം വെടിയുതിര്‍ത്തു.

താലിബാനോ പാകിസ്താനോ പഞ്ച്ഷീര്‍ കീഴടക്കാനുള്ള അവകാശമില്ലെന്ന് സമരക്കാര്‍ പറഞ്ഞു. താലിബാനെതിരെ അവസാന ചെറുത്തുനില്‍പ്പ് നടക്കുന്ന മേഖലയാണ് പാഞ്ച്ഷീര്‍. താഴ്‌വര സമ്പൂര്‍ണമായി പിടിച്ചടക്കിയതായി കഴിഞ്ഞ ദിവസം താലിബാന്‍ അവകാശപ്പെട്ടിരുന്നു. പാക് വിരുദ്ധ പ്രതിഷേധം അഫ്ഗാന്റെ വടക്കന്‍ പ്രവിശ്യയായ ബല്‍ഖിലേക്കും നീണ്ടിട്ടുണ്ട്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.

Latest News