അല്ലാഹു അക്ബര്‍…ദൈവം ഏറ്റവും വലിയവന്‍…കഴിഞ്ഞ പത്തു നാളായി സിറിയ- തുര്‍ക്കി മണ്ണില്‍ ഏറ്റവും ഉയര്‍ന്നു കേള്‍ക്കുന്ന നാദം. ലോകത്തെ മുഴുവന്‍ കണ്ണീരിലാഴ്ത്തി തുര്‍ക്കിയിലും സിറിയയിലും ഉണ്ടായ ഭൂമികുലുക്കം നടന്നിട്ട് പത്തുനാളായിരിക്കുന്നു. തകര്‍ന്നടിഞ്ഞ കെട്ടിടങ്ങള്‍ക്കടിയില്‍ ഭീമന്‍ കോണ്‍ഗ്രീറ്റ് പാളികള്‍ക്കും കല്‍ച്ചീളുകള്‍ക്കും കൂര്‍ത്ത കമ്പിക്കഷ്ണങ്ങള്‍ക്കുമിടയില്‍ ജീവന്റെ തുടിപ്പുകള്‍ തേടിയുള്ള അന്വേഷണം ഇനിയും അവസാനിച്ചിട്ടില്ല. ഈ തകര്‍ന്നു കിടക്കുന്ന മണ്ണില്‍ നിന്ന് 200 മണിക്കൂറികള്‍ക്ക് ശേഷവും ജീവന്‍ കണ്ടെത്തുമ്പോള്‍ അവരാര്‍ത്തു വിളിക്കുന്നു…ദൈവം എത്ര വലിയവന്‍…

The child Abdul Hakim was given a 2nd chance at life… Scenes show the moments of his rescue from under the rubble of his destroyed house in the town of Armanaz, west of #Idlib, on Feb 6 after the devastating devastating #earthquake that struck northwestern #Syria. pic.twitter.com/XVcdGgRB1n

— The White Helmets (@SyriaCivilDef) February 9, 2023

വെള്ളമില്ലാതെ ഭക്ഷണമില്ലാതെ എന്തിനേറെ പൊടിമണക്കാത്ത വായു പോലുമില്ലാതെ വെളിച്ചത്തിന്റെ ഒരു കണികയില്ലാതെ എല്ലാത്തിലുമുപരി തിരിച്ചുവരവെന്നൊരു പ്രതീക്ഷപോലുമില്ലാതെ മണ്ണിനടിയില്‍ കുടുങ്ങിക്കിടക്കുന്നവര്‍. കുഞ്ഞുകുട്ടികള്‍ മുതല്‍ വൃദ്ധര്‍ വരെ. പാളികളോരാന്നായി വകഞ്ഞുമാറ്റി ജീവന്റെ തുടിപ്പിനടുത്തേക്കെത്തുമ്പോള്‍ അനുഭവിക്കുന്ന സന്തോഷം.

A mother is not just a mother, but the very essence of one’s existence. “I will not abandon you,” he pledged, after our team rescued her from the debris of her home 36 hours after the #earthquake in NW #Syria. This miraculous rescue took place Azmarin, west of Idlib, on Feb 7 pic.twitter.com/I1kkhMishQ

— The White Helmets (@SyriaCivilDef) February 12, 2023

രക്ഷാപ്രവര്‍ത്തകരുടെ ആഹ്ലാദ പ്രകടനത്തിന്റെ നിരവധി വീഡിയോകളാണ് സോഷ്യല്‍ മീഡിയകളില്‍ പ്രചരിക്കുന്നത്. ദൈവത്തെ പ്രകീര്‍ത്തിച്ചാണ് അവര്‍ ‘പുതിജന്മ’ത്തേയും വരവേല്‍ക്കുന്നതെന്ന് വിദേശ മാധ്യമങ്ങള്‍ പോലും എടുത്തു പറയുന്നു. 

ഇദ്‌ലിബില്‍ ഒരു കുടുംബത്തിലെ അഞ്ചു പേരെ രക്ഷിച്ച വീഡിയോയിലും ഇതിലുണ്ട്. ശരിയായ അദ്ഭുതം സന്തോഷം ആകാശത്തോളം…വൈറ്റ് ഹെല്‍മെറ്റ് പേജില്‍ വീഡിയോ പങ്കുവെച്ചതിങ്ങനെ.

A true miracle…the sounds of joy embrace the sky… joy beyond belief.
An entire family was rescued from under the rubble of their house this afternoon, Tuesday, February 7, in the village of Bisnia, west of #Idlib.#Syria #earthquake pic.twitter.com/Cb7kXLiMjT

— The White Helmets (@SyriaCivilDef) February 7, 2023

ഫെബ്രുവരി 6നാണ് റിക്ടര്‍ സ്‌കെയിലില്‍ 7.8 രേഖപ്പെടുത്തിയ ഭൂചലനമുണ്ടായത്. തുര്‍ക്കിയേയും സിറിയന്‍ അതിര്‍ത്തി പ്രദേശത്തേയുമാണ് ഇത് ബാധിച്ചത്. മരണം ഏകദേശം നാല്‍പതിനായിരം കടന്നെന്നാണ് റിപ്പോര്‍ട്ട്. പതിനായിരത്തിലേറെ കുഞ്ഞുങ്ങള്‍ അനാഥരായെന്നും 70 ലക്ഷത്തിലേറെ കുട്ടികളെ ദുരന്തം ബാധിച്ചെന്നും റിപ്പോര്‍ട്ടുകള്‍ വ്യക്തമാക്കുന്നു.