2021 January 25 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഫ്രഞ്ച് മുന്‍ പ്രസിഡന്റ് വലേരി ഗിസ്‌കാര്‍ഡ് കൊവിഡ് ബാധിച്ച് മരിച്ചു

പാരിസ്: ഫ്രഞ്ച് മുന്‍ പ്രസിഡന്റ് വലേരി ഗിസ്‌കാര്‍ഡ് ഡി എസ്റ്റേയിങ് കൊവിഡ് ബാധിച്ച് മരിച്ചു. 94 വസ്സായിരുന്നു. ലോയര്‍ മേഖലയിലെ കുടുംബവീട്ടില്‍ വെച്ചായിരുന്നു അന്ത്യം.

ഹൃദയസംബന്ധമായ അസുഖങ്ങള്‍ കാരണം കഴിഞ്ഞ മാസങ്ങളില്‍ നിരവധി തവണ അദ്ദേഹത്തെ ആശുപത്രിയില്‍ പ്രവേശിപ്പിച്ചിരുന്നു. ശ്വാസ തടസ്സത്തെ തുടര്‍ന്ന് നവംബര്‍ 16 മുതല്‍ അദ്ദേഹം ഐ.സിയുവില്‍ പ്രവേശിപ്പിച്ചിരുന്നു. പിന്നീട് അദ്ദേഹം കൊവിഡ് ബാധിതനാണെന്നും കണ്ടെത്തി.

അദ്ദേഹത്തിന്റെ ആരോഗ്യനില വഷളായെന്നും കൊവിഡ് കാരണം മരണപ്പെട്ടെന്നും കുടുംബം എ.എഫ്.പിക്ക് അയച്ച പ്രസ്താവനയില്‍ വ്യക്തമാക്കി.

തന്റെ രാജ്യത്തെ പുതിയ ആധുനിക യുഗത്തിലേക്കും ഉറച്ച യൂറോപ്യന്‍ അനുകൂല പാതയിലേക്കും നയിച്ച പ്രസിഡന്റെന്ന് വിശേഷണത്തിന് അര്‍ഹനാണ് ഗിസ്‌കാര്‍ഡ്. കഴിഞ്ഞ വര്‍ഷം സപ്തംബര്‍ 30ന് അദ്ദേഹത്തിന്റെ കാലത്ത് പ്രധാനമന്ത്രിയായിരുന്ന മറ്റൊരു മുന്‍ പ്രസിഡന്റ് ജാക്ക് ഷിറാക്കിന്റെ സംസ്‌കാര ചടങ്ങിലാണ് അവസാനമായി പൊതുവേദിയിലെത്തിയത്.

1974ല്‍ 48 വയസ്സുള്ളപ്പോള്‍ ഏറ്റവും പ്രായം കുറഞ്ഞ പ്രസിഡന്റായാണ് ഗിസ്‌കാര്‍ഡ് ചുമതലയേറ്റത്. സോഷ്യലിസ്റ്റ് എതിരാളിയായ ഫ്രാങ്കോയിസ് മിത്തറാന്‍ഡിനെയാണ് തോല്‍പ്പിച്ചത്. 1981 ലെ ഏഴ് വര്‍ഷത്തെ കാലാവധിക്കുശേഷം പരാജയപ്പെട്ടു. യുദ്ധാനന്തര ഫ്രാന്‍സിലെ ഗാലിസ്റ്റ് യാഥാസ്ഥിതികതയില്‍ നിന്ന് ചാള്‍സ് ഡി ഗല്ലും അദ്ദേഹത്തിന്റെ പിന്‍ഗാമിയായ ജോര്‍ജ്ജ് പോംപിഡോയും ആധിപത്യം പുലര്‍ത്തിയിരുന്നു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.