2023 February 04 Saturday
‘കട്ടപ്പുറത്തെ കേരള സര്‍ക്കാര്‍’ ധവളപത്രം പുറത്തിറക്കി യു.ഡി.എഫ്; ഗുരുതര ആരോപണങ്ങള്‍

107 ഇന്ത്യക്കാര്‍ ഉള്‍പെടെ 168 പേര്‍ കൂടി ഡല്‍ഹിയിലേക്ക്; അഫ്ഗാനില്‍ നിന്ന് ഒഴിപ്പിക്കല്‍ തുടരുന്നു

ന്യൂഡല്‍ഹി: രാഷ്ട്രീയ അസ്ഥിരത നിലനില്‍ക്കുന്ന അഫ്ഗാനിസ്താനില്‍ നിന്ന് 107 ഇന്ത്യന്‍ പൗരന്മാരെ കൂടി ഒഴിപ്പിച്ചു. അഫ്ഗാന്‍ എം.പിമാര്‍ ഉള്‍പെടെ 168 പേര്‍ ഡല്‍ഹിയിലേക്ക് പുറപ്പെട്ടതായി വ്യോവസേനാ വൃത്തങ്ങള്‍ അറിയിച്ചു. ഡല്‍ഹിയിലേക്ക് പുറപ്പെട്ട വ്യോമസേനയുടെ സി15 യുദ്ധവിമാനം കാബൂളില്‍ നിന്ന് ഇവരെ ഇറാന്‍ വ്യോമപാത വഴി ഗാസിയാബാദിലെ ഹിന്ദന്‍ വ്യോമതാവളത്തില്‍ എത്തിക്കും. രക്ഷാദൗത്യം തുടരുമെന്ന് കേന്ദ്ര വിദേശകാര്യ മന്ത്രാലയം വക്താവ് അറിയിച്ചു.

അഫ്ഗാനില്‍ കുടുങ്ങിയ 222 ഇന്ത്യന്‍ പൗരന്മാരെ ഇന്ന് രാവിലെ ഡല്‍ഹിയില്‍ എത്തിച്ചിരുന്നു. തജികിസ്താന്‍ നിന്നും ഖത്തറില്‍ നിന്നും പ്രത്യേക വിമാനങ്ങളിലാണ് ഇവരെ എത്തിയത്. യാത്രാ സംഘത്തില്‍ രണ്ടു നേപ്പാള്‍ പൗരന്മാരും ഉണ്ടായിരുന്നു.

വരും ദിവസങ്ങളില്‍ കൂടുതല്‍ ഇന്ത്യക്കാരെ തിരിച്ചെത്തിക്കാനുള്ള നീക്കത്തിലാണ് വിദേശകാര്യ മന്ത്രാലയം. ദിവസം രണ്ട് വിമാനങ്ങള്‍ ഉപയോഗിച്ച് പൗരന്മാരെ തിരികെ എത്തിക്കാനാണ് നീക്കം.

തജികിസ്താന്‍ വ്യോമതാവളം കേന്ദ്രീകരിച്ച് വ്യോമസേനയുടെ സി17 യുദ്ധവിമാനം, സി130 ജെ യാത്രാ വിമാനം, എയര്‍ ഇന്ത്യ വിമാനം എന്നിവയാണ് ആളുകളെ തിരിച്ചെത്തിക്കാനായി ഉപയോഗിക്കുന്നത്. പാകിസ്താന്റെ വ്യോമപാതക്ക് പകരം തജികിസ്താന്‍, ഖത്തര്‍, ഇറാന്‍ എന്നീ രാജ്യങ്ങളുടെ വ്യോമപാതയാണ് ഉപയോഗിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.