പുതിയ ഫീച്ചറുമായി വാട്‌സ് ആപ്പ്

പ്രമുഖ സോഷ്യല്‍ മീഡിയ ആപ്പായ വാട്‌സ് ആപ്പില്‍ ഇനി സ്റ്റാറ്റസായി ഇടുന്ന വിഡിയോകളും ഫോട്ടോയും 24 മണിക്കൂര്‍ കഴിഞ്ഞാലും സൂക്ഷിച്ച് വയ്ക്കാം. 30 ദിവസം വരെ സ്റ്റാറ്റസ് ആയി ഇടുന്ന ഫോട്ടോകളും വീഡിയോകളും സൂക്ഷിച്ച് വെയ്ക്കാന്‍ ഉപയോക്താക്കളെ സഹായിക്കുന്ന പുതിയ ഫീച്ചര്‍ അവതരിപ്പിക്കാനൊരുങ്ങുകയാണ് വാട്‌സ്ആപ്പ്. സ്റ്റാറ്റസ് ആര്‍ക്കൈവ് എന്ന പേരിലാണ് പുതിയ ഫീച്ചര്‍ അവതരിപ്പിക്കുക എന്നാണ് പുറത്തുവരുന്ന റിപ്പോര്‍ട്ട്.+-

സ്റ്റാറ്റസ് ടാബിലാണ് പുതിയ ഫീച്ചര്‍ ഉള്‍പ്പെടുത്തുക. 24 മണിക്കൂറിന് ശേഷം സ്റ്റാറ്റസ് ആയി ഇട്ടിരിക്കുന്ന വീഡിയോകളും ഫോട്ടോകളും അടക്കം സ്റ്റാറ്റസ് ആര്‍ക്കൈവിലേക്ക് പോകുന്നവിധമാണ് സംവിധാനം. ഇത്തരത്തില്‍ 30 ദിവസം വരെ സ്റ്റാറ്റസ് അപ്‌ഡേറ്റ്‌സ് സൂക്ഷിക്കാന്‍ സാധിക്കും.