2021 January 17 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

‘ഭേദഗതിയാവാമെന്ന് സര്‍ക്കാര്‍ സമ്മതിച്ചു, പക്ഷേ ഞങ്ങള്‍ക്കത് പോരെന്ന് പറഞ്ഞു’; നിയമം പിന്‍വലിക്കാതെ പിന്മാറ്റമില്ലെന്ന് കര്‍ഷക നേതാക്കള്‍

 

ന്യൂഡല്‍ഹി: പുതുതായി കൊണ്ടുവന്ന കാര്‍ഷിക നിയമങ്ങളില്‍ പ്രശ്‌നങ്ങളുണ്ടെന്ന് സര്‍ക്കാര്‍ സമ്മതിച്ചതായി പ്രതിഷേധത്തിലിരിക്കുന്ന കര്‍ഷക നേതാക്കള്‍. ഈ പ്രശ്‌നങ്ങള്‍ പരിഹരിക്കുന്നതിനായി ഭേദഗതികളാവാമെന്ന് സമ്മതിച്ചതായും യോഗശേഷം പുറത്തുവന്ന ബല്‍ദേവ് സിങ് സിര്‍സ എന്ന കര്‍ഷക നേതാവ് മാധ്യമങ്ങളോടു പറഞ്ഞു.

എന്നാല്‍ ഞങ്ങള്‍ ഭേദഗതി പോരെന്നും നിയമങ്ങള്‍ പിന്‍വലിക്കുകയാണ് വേണ്ടതെന്നും സര്‍ക്കാരിനെ അറിയിച്ചതായും അദ്ദേഹം പറഞ്ഞു.

അതേസമയം, കാര്‍ഷിക നിയമങ്ങള്‍ക്കെതിരെ പ്രക്ഷോഭത്തിലുള്ള കര്‍ഷക നേതാക്കളുമായി കേന്ദ്ര സര്‍ക്കാര്‍ നടത്തിയ രണ്ടാംഘട്ട ചര്‍ച്ചയും വിഫലമായി. ഏഴു മണിക്കൂര്‍ നീണ്ട ചര്‍ച്ചയാണ് തീരുമാനമാവാതെ പിരിഞ്ഞത്. 34 കര്‍ഷക നേതാക്കളാണ് ചര്‍ച്ചയ്ക്കായി എത്തിയത്.

ശനിയാഴ്ച വീണ്ടും ചര്‍ച്ച നടത്താനാണ് തീരുമാനം. സര്‍ക്കാരിന് ഇക്കാര്യത്തില്‍ ‘ഈഗോ’ ഇല്ലെന്ന് കേന്ദ്രമന്ത്രി നരേന്ദ്ര തോമര്‍ യോഗശേഷം പ്രതികരിച്ചു.

സര്‍ക്കാരിന് ഇത് ‘ലാസ്റ്റ് ചാന്‍സാ’ണെന്നും പ്രത്യേക പാര്‍ലമെന്റ് വിളിച്ച് മൂന്ന് നിയമങ്ങളും പിന്‍വലിക്കണമെന്നും കര്‍ഷക നേതാക്കള്‍ യോഗത്തിനു മുന്നോടിയായി പറഞ്ഞിരുന്നു. ശനിയാഴ്ച നടക്കുന്ന യോഗത്തെ സംബന്ധിച്ച് കര്‍ഷക നേതാക്കള്‍ പ്രതികരണം അറിയിച്ചിട്ടില്ല.

ഉച്ചയ്ക്ക് സര്‍ക്കാര്‍ ഒരുക്കിയ ഭക്ഷണം യോഗത്തിനെത്തിയ കര്‍ഷക നേതാക്കള്‍ നിരസിച്ചതും സ്വയം കൊണ്ടുവന്ന ഭക്ഷണം കഴിച്ചതും വാര്‍ത്തയായിരുന്നു.


Read more at: ‘ഞങ്ങള്‍ക്കുള്ളത് ഞങ്ങള്‍ കൊണ്ടുവന്നിട്ടുണ്ട്’; സര്‍ക്കാര്‍ വാഗ്ദാനം ചെയ്ത ഉച്ചഭക്ഷണം നിഷേധിച്ച് കര്‍ഷക നേതാക്കള്‍


 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.