2022 November 28 Monday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

ഫ്ളിപ്കാര്‍ട്ടിനെ വാള്‍മാര്‍ട്ട് ഏറ്റെടുത്തതിനെ എതിര്‍ത്ത് സി.പി.എം

ന്യൂഡല്‍ഹി: ഇന്ത്യയിലെ ഓണ്‍ലൈന്‍ റീട്ടെയില്‍ കമ്പനിയായ ഫ്ളിപ്കാര്‍ട്ടിനെ അമേരിക്കന്‍ ഭീമന്‍ വാള്‍മാര്‍ട്ട് ഏറ്റെടുത്ത നടപടിയെ എതിര്‍ത്ത് സി.പി.എം. ഇന്ത്യയുടെ മള്‍ട്ടിബ്രാന്റ് റീട്ടെയില്‍ മേഖലയില്‍ വിദേശനിക്ഷേപം അനുവദിക്കാനാവില്ലെന്നതാണ് ഇടതുപാര്‍ട്ടികളുടെ നയം. പ്രതിപക്ഷത്തായിരുന്നപ്പോള്‍ ബി.ജെ.പിയും ഇതിനെ എതിര്‍ത്തിരുന്നു. എന്നാല്‍ ഇപ്പോള്‍ ഇ- വ്യാപാരം വഴി അതിന് അവസരമൊരുക്കിയിരിക്കുകയാണെന്നും സി.പി.എം പത്രക്കുറിപ്പില്‍ പറഞ്ഞു.

ഓണ്‍ലൈന്‍ വ്യാപാര കമ്പനിയായ ഫ്ളിപ്കാര്‍ട്ടിന്റെ 77 ശതമാനം ഓഹരിയും വാള്‍മാര്‍ട്ട് വാങ്ങിയിരുന്നു. ഇത് ‘പിന്‍വാതില്‍ പ്രവേശന’മാണെന്നും സി.പി.എം ആരോപിച്ചു.

ഇന്ത്യയിലെ റീട്ടെയില്‍ മേഖലയെ പൂര്‍ണമായും തകര്‍ക്കുന്നതായിരിക്കും നീക്കമെന്നും സി.പി.എം ആരോപിച്ചു. വാള്‍മാര്‍ട്ടിന്റെ ഉല്‍പന്നം അന്താരാഷ്ട്ര മാര്‍ക്കറ്റില്‍ നിന്നുള്ളവയായിരിക്കുമെന്ന കാര്യം എല്ലാവര്‍ക്കും അറിയാമെന്നും ഇത് ഇന്ത്യയില്‍ വില്‍ക്കുന്നതോടെ ചെറുകിട, ഇടത്തരം മേഖലയെ തകര്‍ക്കുമെന്നും വാര്‍ത്താക്കുറിപ്പില്‍ പറഞ്ഞു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.

Latest News