2021 January 21 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

വിസ തട്ടിപ്പിന് ഇരയായ എറണാകുളം സ്വദേശി സാമൂഹിക പ്രവർത്തകരുടെ ഇടപെടലിനെ തുടർന്ന്  നാടണഞ്ഞു

ട്രാവൽസിനെതിരെ നിയമ നടപടിക്കൊരുങ്ങി പി എം എഫ് 

അബ്‌ദുസ്സലാം കൂടരഞ്ഞി

    റിയാദ്: സാമൂഹിക പ്രവർത്തകരുടെ ഇടപെടൽ മൂലം വിസ തട്ടിപ്പിന്  ഇരയായ എറണാകുളം വൈറ്റില സ്വദേശി അശ്വിൻ പുത്തൻ പറമ്പിൽ നാടണഞ്ഞു. തിരുവനന്തപുരത്തെ ഒരു ട്രാവൽ ഏജന്റ്റ് വഴി റിയാദിൽ ഡ്രൈവർ വിസയിലെത്തി ദുരിതത്തിലായ അശ്വിൻ പ്രവാസി മലയാളി ഫെഡറേഷൻ (പി എം എഫ്) റിയാദ് സെൻട്രൽ കമ്മിറ്റി ജനറൽ സെക്രട്ടറിയും ജീവകാരുണ്യ പ്രവർത്തകനുമായ ജിബിൻ സമദ് കൊച്ചിയെ ബന്ധപെട്ടു സഹായം അഭ്യർത്ഥിക്കുകയായിരുന്നു.

    ചെറിയ വാഹനത്തിന്റെ ഡ്രൈവറായി റിയാദിലെ സ്വകാര്യ കമ്പനിയിൽ എത്തിയ ബി ബി എ ബിരുദ ധാരിയായ ഇദ്ദേഹത്തെ ടാങ്കർ ലോറി ലൈസൻസില്ലാതെ ഓടിക്കാൻ നിർബന്ധിതനാകുകയായിരുന്നു. വാഹനത്തിന്റെ എഞ്ചിൻ കേടായതിനെ തുടർന്നു ജോലിയിൽ നിന്ന് പിരിച്ചു വിടുകയും ജോലിയും ശമ്പളവുമില്ലാതെ ബുദ്ധിമുട്ടിലാകുകയും ചെയ്തതിനെ തുടർന്നു പി എം എഫ് ഭാരവാഹികൾ കമ്പനിയുമായി ബന്ധപെട്ടു ഫൈനൽ എക്‌സിറ്റ് ലഭ്യമാക്കി ടിക്കറ്റെടുത്ത് സ്‌പൈസ് ജെറ്റ് വിമാനത്തിൽ  നാട്ടിലേക്ക് കയറ്റി വിടുകയായിരുന്നു.

    പി എം എഫ് ഭാരവാഹികളായ ജിബിൻ സമദ് കൊച്ചി, ജോൺസൺ മാർക്കോസ്, റസൽ, അസ്‌ലം പാലത്ത്എ,ബിനു കെ തോമസ് എന്നിവരുടെ നേതൃത്വത്തിൽ നടപടികൾ പൂർത്തിയാക്കി. പി എം എഫ് കേരള ഘടകമുമായി ബന്ധപെട്ടു ട്രാവൽ ഏജന്റിനെതിരെ നിയമനടപടികൾ സ്വീകരിയ്ക്കുമെന്നു പ്രസിഡന്റ് ഷാജഹാൻ ചാവക്കാട്, കോഡിനേറ്ററന്മാരായ സലിം വാലിലപ്പുഴ, മുജിബ് കായംകുളം എന്നിവർ അറിയിച്ചു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.