2021 September 20 Monday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

കിങ് ജോം നാം വധം: വിയറ്റ്‌നാം പൗരയ്ക്ക് മോചനം

ക്വലാലംപൂര്‍: ഉത്തരകൊറിയന്‍ ഭരണാധികാരിയായ കിം ജോങ് ഉന്നിന്റെ അര്‍ധസഹോദരന്‍ കിം ജോങ് നാം കൊല്ലപ്പെട്ട കേസില്‍ തടവില്‍ കഴിയുകയായിരുന്ന വിയറ്റ്‌നാം യുവതിയെ മലേഷ്യ വിട്ടയച്ചു. വിയറ്റ്‌നാം പൗരയായ ഡോണ്‍ തി ഹുവോങിനെയാണ് വിട്ടയച്ചത്.

2017 ഫെബ്രുവരിയിലാണ് ക്വലാലംപുര്‍ വിമാനത്താവളത്തില്‍വെച്ച് കിം ജോങ് നാം വിഷപദാര്‍ഥം ശ്വസിച്ച് കൊല്ലപ്പെട്ടത്. ഇതിനെ തുടര്‍ന്ന് ഇന്തോനേഷ്യന്‍ പൗരയായ സിതി ഐസ്യയെയും ഡോണിനെയും മലേഷ്യ അറസ്റ്റ് ചെയ്യുകയായിരുന്നു.

കേസിലെ മറ്റൊരുപ്രതിയായ ഇന്‍ഡൊനീഷ്യന്‍ പൗരയുമായ സീതി ഐസ്യയെന്ന യുവതിയെ മലേഷ്യന്‍ കോടതി മുന്‍പ് സ്വതന്ത്രയാക്കിയിരുന്നു. ഇതിനു പിന്നാലെഡോണ്‍ അറ്റോര്‍ണി ജനറലിനെ സമീപിച്ചെങ്കിലും മലേഷ്യ മോചിപ്പിക്കില്ലെന്ന് പറഞ്ഞിരുന്നു.

മലേഷ്യന്‍ പ്രോസിക്യൂട്ടരുമായി നടത്തിയ കരാറിന്റെ അടിസ്ഥാനത്തിലാണ് ഡോണിനെ മോചിപ്പിക്കുന്നത്. നിരോധിച്ച ലിക്വിഡ് വി.എക്‌സ് എന്ന രാസപദാര്‍ഥമാണ് കിം ജോങ് നാമിനെ കൊല്ലാനായി ഉപയോഗിച്ചത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.