2023 June 05 Monday
പോരാട്ടങ്ങളും യാതനകളും മനുഷ്യനെ പൂര്‍ണതയിലെത്തിക്കുന്നു. ഇന്ദിരാഗാന്ധി

കൂടിച്ചേരലുകള്‍ ഒഴിവാക്കാന്‍ വാക്‌സീനെടുത്തവരും ശ്രദ്ധിക്കണം: അവരിലും കൊവിഡ് പടര്‍ത്താന്‍ ഡെല്‍റ്റക്ക് കഴിയും

  • കൊവിഡില്‍ തെറ്റായ വാര്‍ത്തകള്‍ തുടരുന്നു, ശക്തമായ നിലപാടെടുക്കണം
  • വൈറസ് വ്യാപനം കുറച്ചില്ലെങ്കില്‍ രോഗവ്യാപനം കൂടും,
  • ലോക്ഡൗണ്‍ ദീര്‍ഘിപ്പിച്ചത് അതുകൊണ്ട് മുഖ്യമന്ത്രി

തിരുവനന്തപുരം: കൊവിഡുമായി ബന്ധപ്പെട്ട് തെറ്റായ കാര്യങ്ങള്‍ പടര്‍ത്തുന്നത് ചിലര്‍ തുടരുകയാണെന്നും മാധ്യമങ്ങള്‍ ശക്തമായ നിലപാടെടുക്കണമെന്നും മുഖ്യമന്ത്രി പിണറായി വിജയന്‍. കൊവിഡ് വ്യാപനം കുറയുന്ന സാഹചര്യത്തിലും ആക്ടീവ് കേസുകള്‍ കുറയുമ്പോഴും ലോക്ഡൗണ്‍ നീട്ടിയതിനെ കുറിച്ച് സംശയങ്ങള്‍ ഉയരുന്നുണ്ട്. ടി.പി.ആര്‍ കുറയാതെ തുടരുന്നതിനാലാണ് ഇതെന്ന് മുഖ്യമന്ത്രി വിശദീകരിച്ചു.
വൈറസ് വ്യാപനം കുറച്ചില്ലെങ്കില്‍ രോഗവ്യാപനം കൂടും. രോഗം ബാധിക്കാത്തവരുടെ ശതമാനം കേരളത്തില്‍ കൂടുതലാണ്. വൈറസ് സാന്ദ്രത കുറക്കുക പ്രധാനമാണ്. അതാണ് ലോക്ഡൗണ്‍ ദീര്‍ഘിപ്പിച്ചത് മുഖ്യമന്ത്രി വിശദീകരിച്ചു.

കൂടിച്ചേരലുകള്‍ ഒഴിവാക്കാന്‍ വാക്‌സീനെടുത്തവരും ശ്രദ്ധിക്കണം. അവരിലും കൊവിഡ് പടര്‍ത്താന്‍ ഡെല്‍റ്റക്ക് കഴിയുമെന്ന് മുഖ്യമന്ത്രി വാര്‍ത്താസമ്മേളനത്തില്‍ മുന്നറിയിപ്പ് നല്‍കി. അവരിലൂടെ മറ്റുളളവരിലേക്ക് പടരും.

വാക്‌സീനെടുത്താലും പ്രമേഹമടക്കമുള്ളവര്‍ മുടക്കരുത്. രണ്ട് മൂന്ന് തരംഗങ്ങള്‍ക്ക് ഇടയിലുള്ള ദൈര്‍ഘ്യം വര്‍ധിപ്പിക്കേണ്ടത് അനിവാര്യമാണ്. ബ്രിട്ടനില്‍ രണ്ടുമാസത്തെ ഇടവേളയായിരുന്നു. ഇറ്റലി 17 ആഴ്ച, അമേരിക്ക 23 ആഴ്ച. കേരളത്തില്‍ മൂന്നാം തരംഗത്തിലേക്കുള്ള ഇടവേള പരമാവധി ദീര്‍ഘിപ്പിക്കണം. അതല്ലെങ്കില്‍ മരണം കൂടാന്‍ സാധ്യതയുണ്ട്. ലോക്ഡൗണ്‍ ഇളവ് ശ്രദ്ധാപൂര്‍വമാകണം. ആരോഗ്യ സംവിധാനം ശാക്തീകരിക്കാന്‍ നടപടികളെടുക്കും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.