2021 May 07 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ക്ഷമ പരീക്ഷിക്കരുത്, നിര്‍ബന്ധിതരായാല്‍ ആയുധമെടുക്കും- ഉത്തരകൊറിയക്ക് താക്കീതുമായി യു.എസ്

വാഷിങ്ടണ്‍: തങ്ങളുടെ ക്ഷമ പരീക്ഷിക്കരുതെന്ന് ഉത്തരകൊറിയക്ക് യു.എസിന്റെ താക്കീത്. നിര്‍ബന്ധിതരായാല്‍ തങ്ങള്‍ സൈന്യത്തെ ഇറക്കുമെന്നും യു.എസ് ഉത്തരകൊറിയക്ക് മുന്നറിയിപ്പ് നല്‍കി. യു.എന്നിലെ യു.എസ് അമ്പാസഡര്‍ നിക്കി ഹാലെയുടേതാണ് പ്രതികരണം. കൊറിയക്കെതിരെ യു.എന്നില്‍ പുതിയ പ്രമേയം അവതരിപ്പിക്കുമെന്നും നിക്കി ഹാലെ പറഞ്ഞു.

കൊറിയയുടെ മിസൈല്‍ പരീക്ഷണങ്ങള്‍ സൈനിക വിപുലീകരണത്തിന്റെ ഭാഗമാണ്. അവസാനമായി നടത്തിയ ഭൂഖണ്ഡാന്തര മിസൈല്‍ പരീക്ഷണമുള്‍പ്പെടെയുള്ളവ നയതന്ത്ര ബന്ധം സ്ഥാപിക്കുന്നതിനുള്ള ചെറിയ സാധ്യത പോലും ഇല്ലാതാക്കുന്ന നീക്കമാണ്- നിക്കി ഹാലെ വ്യക്തമാക്കി.

തങ്ങളുടേയും ഒപ്പം നില്‍ക്കുന്നവരുടേയും സുരക്ഷക്കായി മുഴുവന്‍ യു.എസ് സംവിധാനങ്ങളും ഉപയോഗിക്കുമെന്ന് അവര്‍ പറഞ്ഞു. എന്നാല്‍ സൈന്യത്തെ മുഴുവന്‍ രംഗത്തിറക്കുന്ന അവസ്ഥയിലേക്ക് പോവാന്‍ തങ്ങളെ നിര്‍ബന്ധിതരാക്കാതിരിക്കുന്നതാണ് നല്ലതെന്നും യു.എസ് മുന്നറിയിപ്പു നല്‍കി.

ഉത്തര കൊറിയ ഭൂഖണ്ഡാന്തര മിസൈല്‍ പരീക്ഷണം നടത്തിയതിന് മറുപടിയായി യു.എസും ദക്ഷിണ കൊറിയയും കഴിഞ്ഞ ദിവസം ബാലിസ്റ്റിക് മിസൈല്‍ അഭ്യാസ പ്രകടനം നടത്തിയിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Latest News