2022 January 26 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

24 മണിക്കൂറിനിടെ കൊവിഡ് ബാധിച്ച് 3,332 പേര്‍ മരിച്ചു; യു.എസിന് ഇന്ന് ഏറ്റവും കൂടുതല്‍ പേരെ നഷ്ടപ്പെട്ട ദിനം

 

വാഷിങ്ടണ്‍: യു.എസില്‍ കൊവിഡ്-19 ബാധിച്ച് മരിച്ചവരുടെ എണ്ണം ക്രമാതീതമായി ഉയരുന്നു. കഴിഞ്ഞ 24 മണിക്കൂറിനിടെ 3,332 പേരാണ് മരിച്ചത്. ഇതോടെ യു.എസില്‍ മരണസംഖ്യ അരലക്ഷത്തോട് അടുത്തു. ഒറ്റ ദിവസത്തില്‍ ഇത്രയും കൂടുതല്‍ പേര്‍ മരിക്കുന്നത് ഇതാദ്യമായാണ്.

യു.എസില്‍ മൊത്തം 8,69,000 പേര്‍ക്കാണ് കൊവിഡ് ബാധ സ്ഥിരീകരിച്ചത്. മരണസംഖ്യ 49,963 ആയി.

ആള്‍ നഷ്ടത്തിനൊപ്പം കനത്ത സാമ്പത്തിക നഷ്ടത്തില്‍ കൂടിയാണ് യു.എസ്. കൊവിഡ് ബാധയെത്തുടര്‍ന്ന് കഴിഞ്ഞ അഞ്ചാഴ്ചയ്ക്കിടെ രാജ്യത്ത് 2.6 കോടി ജനങ്ങളാണ് തൊഴില്‍ രഹിതരായത്. അമേരിക്കയിലെ ആറു പേരില്‍ ഒരാള്‍ക്ക് വീതം തൊഴില്‍ നഷ്ടപ്പെട്ടു. 1930 കളിലെ സാമ്പത്തിക മാന്ദ്യത്തിനു ശേഷമുള്ള ഏറ്റവും വലിയ പ്രതിസന്ധിയാണിത്.

അതേസമയം, കൊവിഡ് ബാധിച്ച് ലോകമാത്താകമാനം മരിച്ചവരുടെ എണ്ണം രണ്ടു ലക്ഷത്തോട് അടുത്തു. യു.എസിലെ അരലക്ഷം അടക്കം 1,90,000 പേരാണ് ഇതുവരെ മരിച്ചത്. ലോകത്താകമാനം 27 ലക്ഷം പേര്‍ക്ക് കൊവിഡ് ബാധിച്ചു. ഇതില്‍ 7,50,000 പേര്‍ രോഗമുക്തരായി.


 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.