2021 April 15 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സി.എ.എ വിരുദ്ധ മെഴുകുതിരി മാര്‍ച്ച് നടത്തിയതിന് മുന്‍ ഗവര്‍ണര്‍ക്കെതിരെ യു.പി പൊലിസിന്റെ കേസ്

ലഖ്‌നോ: പൗരത്വ ഭേദഗതി നിയമത്തിനെതിരെ (സി.എ.എ) മെഴുകുതിരി മാര്‍ച്ച് നടത്തിയ സംഭവത്തില്‍ മുന്‍ ഗവര്‍ണര്‍ അസീസ് ഖുറേഷിക്കെതിരെ കേസെടുത്ത് യു.പി പൊലിസ്. ഐ.പി.സി 145, 188 വകുപ്പുകള്‍ പ്രകാരമാണ് 78 കാരനായ അസീസ് ഖുറേഷിക്കെതിരെ കേസെടുത്തിരിക്കുന്നത്. ആറു മാസം മുന്‍പ് നടത്തിയ പരിപാടിക്കെതിരെയാണ് കേസ്.

ഉത്തര്‍പ്രദേശ്, ഉത്തരാഖണ്ഡ്, മിസോറാം സംസ്ഥാനങ്ങളുടെ ഗവര്‍ണറായിരുന്ന കോണ്‍ഗ്രസ് നേതാവ് അസീസ് ഖുറേഷി. കേസ് സംബന്ധിച്ച് മൊറാദാബാദ് പൊലിസ് തനിക്ക് നോട്ടീസ് നല്‍കിയെന്ന് അദ്ദേഹം തന്നെയാണ് അറിയിച്ചത്. കേസില്‍ മൊഴില്‍ നല്‍കിയില്ലെങ്കില്‍ അറസ്റ്റ് ചെയ്യുമെന്ന മുന്നറിയിപ്പോടെയാണ് നോട്ടീസെന്നും അദ്ദേഹം പറഞ്ഞു.

താന്‍ ഒരു കുറ്റകൃത്യവും ചെയ്തിട്ടില്ലെന്നും അഭിപ്രായംസ്വാതന്ത്ര്യം ഭരണഘടന നല്‍കുന്ന അവകാശമാണെന്നും അദ്ദേഹം പ്രതികരിച്ചു. മുസ്‌ലിംകളും മറ്റുള്ളവരെ പോലെ തന്നെ അവകാശങ്ങളുള്ള പൗരന്മാരാണെന്നും അതിനു വേണ്ടി യാചിക്കേണ്ടവരല്ലെന്നും അദ്ദേഹം പറഞ്ഞു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.