ലക്‌നൗ: ഉത്തര്‍പ്രദേശിലെ ലക്‌നൗവില്‍ മൂന്നുനില കെട്ടിടം തകര്‍ന്നുവീണ് മൂന്നുപേര്‍ മരിച്ചു. 35 പേരോളം കുടുങ്ങിക്കിടക്കുന്നതായാണ് റിപ്പോർട്ട്. എന്‍ഡിആര്‍എഫിന്റെ നേതൃത്വത്തില്‍ രക്ഷാപ്രവര്‍ത്തനം പുരോഗമിക്കുകയാണ്.

ഏഴുപേരെ രക്ഷിച്ചതായി ഉത്തര്‍പ്രദേശ് ഉപമുഖ്യമന്ത്രി ബ്രജേഷ് പഥക് പറഞ്ഞു. ഇവരെ ആശുപത്രിയിലേക്ക് മാറ്റി. മുപ്പത് കുടുംബങ്ങള്‍ താമസിച്ചിരുന്ന കെട്ടിടമാണ് ഇന്ന് വൈകുന്നേരത്തോടെ തകര്‍ന്നുവീണത്.