2022 December 07 Wednesday
ലോകത്തില്‍ മാറ്റങ്ങള്‍ വരണമെന്ന് ഏവരും ആഗ്രഹിക്കുന്നു. എന്നാല്‍ സ്വയം മാറ്റത്തിനു വിധേയനവാന്‍ ആരും തയ്യാറല്ല താനും. ലിയോ ടോള്‍സ്റ്റോയ്

ഉംറ വിസയുടെ കാലാവധി ദുല്‍ഖഅദ് 29 വരെ മാത്രം

മക്ക: വിദേശ ഉംറ തീര്‍ത്ഥാടകരുടെ വിസ കാലാവധി ദുല്‍ഖഅദ് 29 വരെ മാത്രമാണെന്ന് സഊദി ഹജ്ജ്-ഉംറ മന്ത്രാലയം അറിയിച്ചു. ഉംറ വിസയില്‍ രാജ്യത്ത് പ്രവേശിച്ചവര്‍ ദുല്‍ഖഅദ് 29നകം തിരിച്ചുപോകണം. ഹജ്ജിനുള്ള ഒരുക്കങ്ങള്‍ ആരംഭിക്കുന്നതിനാല്‍ ഈ തിയ്യതിക്ക് ശേഷം മക്കയിലേക്ക് വിദേശ ഉംറ തീര്‍ത്ഥാടകരെ കടത്തിവിടില്ല. ഹജ്ജിന്റെ ഏതാനും ദിവസങ്ങള്‍ക്ക് മുമ്പു വരെ ആഭ്യന്തര ഉംറ തീര്‍ത്ഥാടകര്‍ക്ക് പ്രവേശനം അനുവദിക്കുന്നത് തുടരും.

രാജ്യത്ത് പ്രവേശിച്ച ദിവസം മുതല്‍ അഥവാ വിമാനത്താവളത്തില്‍ വച്ച് പാസ്‌പോര്‍ട്ടില്‍ എന്‍ട്രി നമ്പര്‍ പ്രിന്റ് ചെയ്ത ദിവസം മുതലാണ് വില കാലാവധി കണക്കാക്കുന്നത്. 15 ദിവസത്തെയോ അല്ലെങ്കില്‍ മൂന്ന് മാസത്തെയോ ഉംറ വിസയാണെങ്കിലും രാജ്യത്ത് പ്രവേശിച്ച ദിവസം മുതല്‍ തിയ്യതി കണക്കാക്കും.

ഉംറ പെര്‍മിറ്റിനായി നുസുക് ആപ്ലിക്കേഷന്‍ ഉപയോഗപ്പെടുത്തണം. ഉംറ, വിസിറ്റ്, ടൂറിസ്റ്റ് വിസകളില്‍ വരുന്നവരെല്ലാം നുസുക് ആപ്ലിക്കേഷനില്‍ രജിസ്റ്റര്‍ ചെയ്യേണ്ടതുണ്ട്. പി.സി.ആര്‍, ആന്റിജന്‍ ടെസ്റ്റുകള്‍ ഇല്ലാതെയാണ് സൗദിയിലേക്ക് ഇപ്പോള്‍ സന്ദര്‍ശകരെ അനുവദിക്കുന്നത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.