uae salary hike soon report confirmed 64 man power unsatisfied with current earnings

യു.എ.ഇയിലെ പ്രമുഖ റിക്രൂട്ടിങ്ങ് ഏജന്‍സിയായ ടാസ്‌ക്ക് (task) ഔട്ട്‌സോഴ്‌സിങ്ങ് രാജ്യത്ത് സംഘടിപ്പിച്ച പുതിയ സര്‍വെ ഫലം പുറത്ത് വിട്ടിരിക്കുകയാണ്. 80 ശതമാനം യു.എ.ഇ പൗരന്‍മാരും ഈ വര്‍ഷം ലഭിക്കുന്ന ശമ്പളത്തില്‍ വര്‍ദ്ധനവ് പ്രതീക്ഷിക്കുന്നു എന്നാണ് സര്‍വെ ഫലം വ്യക്തമാക്കുന്നത്. രാജ്യത്തെ തൊഴില്‍ മേഖലയെ പ്രാതിനിധ്യം ചെയ്യുന്ന തരത്തില്‍ 500 യു.എ.ഇ പൗരന്‍മാരെ ഉപയോഗിച്ചാണ് സര്‍വെ നടത്തിയത്. 17.75 ശതമാനം എമിറാത്തികളും 10 ശതമാനം വരെ ശമ്പള വര്‍ദ്ധന ഈ വര്‍ഷം പ്രതീക്ഷിക്കുന്നുണ്ട്. 27.8 ശതമാനം പേര്‍ 5 മുതല്‍ 8 ശതമാനം വരെ സാലറിയില്‍ വര്‍ദ്ധനവ് പ്രതീക്ഷിക്കുമ്പോള്‍ 22.5 ശതമാനം പേര്‍ 8 മുതല്‍ 10 ശതമാനം വരെയാണ് ശമ്പള വര്‍ദ്ധനവ് പ്രതീക്ഷിക്കുന്നത്. എന്നാല്‍ 18.3 ശതമാനം എമിറാത്ത് പൗരന്‍മാര്‍ ഈ വര്‍ഷം യാതൊരു തരത്തിലുളള ശമ്പള വര്‍ദ്ധനവും പ്രതീക്ഷിക്കുന്നില്ല.

64 ശതമാനം എമിറാത്തി പൗരന്‍മാരും തങ്ങള്‍ക്ക് ലഭിക്കുന്ന ശമ്പളത്തില്‍ തൃപ്തരല്ലെന്ന് ടാസ്‌ക്ക് സര്‍വെ കണ്ടെത്തിയിട്ടുണ്ട്. തൊഴില്‍ മേഖലയില്‍ സ്വകാര്യ വത്ക്കരണ നടപടികള്‍ യു.എ.ഇ ശക്തമാക്കവെ പുറത്ത് വന്ന ഈ സര്‍വെ ഫലത്തിന് വലിയ പ്രാധാന്യമുണ്ടെന്നാണ് പുറത്ത് വരുന്ന റിപ്പോര്‍ട്ടുകള്‍.തൊഴില്‍ മേഖലയില്‍ കൂടുതല്‍ സ്വദേശി വത്ക്കരണം സാധ്യമാക്കണമെങ്കില്‍ എമിറാത്തി പൗരന്‍മാര്‍ക്ക് അവര്‍ ഇഷ്ടപ്പെടുന്ന ശമ്പളം നല്‍കി, അലരെ തൊഴിലിടത്തില്‍ പിടിച്ചു നിര്‍ത്തണമെന്ന് ടാസ്‌ക്ക് അഭിപ്രായപ്പെടുന്നുണ്ട്.

Content Highlights: uae salary hike soon report confirmed 64 man power unsatisfied with current earnings

യു.എ.ഇയില്‍ ശമ്പള വര്‍ദ്ധന ഉടന്‍ നിലവില്‍ വരാന്‍ സാദ്ധ്യത; 64 ശതമാനം ആളുകളും ശമ്പളത്തില്‍ തൃപ്തരല്ലെന്ന് റിപ്പോര്‍ട്ട്