2024 March 02 Saturday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

യുഎഇയിൽ ഇന്ന് വ്യാപക മഴയ്ക്ക് സാധ്യത; അബുദാബിയിലും ദുബൈയിലും ഷാർജയിലും ജാഗ്രത നിർദേശം

യുഎഇയിൽ ഇന്ന് വ്യാപക മഴയ്ക്ക് സാധ്യത; അബുദാബിയിലും ദുബൈയിലും ഷാർജയിലും ജാഗ്രത നിർദേശം

ദുബൈ: യുഎഇയിലുടനീളം ഇന്ന് മഴ ലഭിക്കാൻ സാധ്യതയുണ്ടെന്ന് നാഷണൽ സെന്റർ ഓഫ് മെറ്റീരിയോളജി (എൻ.സി.എം) അറിയിച്ചു. യുഎഇയിൽ ഉടനീളം ഭാഗികമായി മേഘാവൃതമായ അന്തരീക്ഷം നിലനിൽക്കുകയാണ്. പ്രത്യേകിച്ച് രാജ്യത്തിന്റെ തീരപ്രദേശങ്ങളിലും വടക്കൻ, കിഴക്കൻ ഭാഗങ്ങളിലും ആണ് മഴക്ക് സാധ്യത. ദുബൈ, ഷാർജ, റാസൽ ഖൈമ, ഫുജൈറ എന്നിവിടങ്ങളിലാകും മഴ ഇന്ന് മുഴുവൻ ലഭിക്കുക. വ്യാഴാഴ്ച വരെ മഴ തുടരും.

അബുദാബി, ദുബൈ, ഷാർജ, അജ്മാൻ, റാസൽഖൈമ, ഉമ്മുൽ ഖുവൈൻ എന്നിവിടങ്ങളിൽ ഇന്ന് രാവിലെ മഴ പെയ്തു. മഴ കനാക്കാൻ സാധ്യതയുള്ളതിനാൽ വിവിധ ഇടങ്ങളിൽ ജാഗ്രത നിർദേശം നൽകിയിട്ടുണ്ട്. വാഹനമോടിക്കുന്നവർ ജാഗ്രത പാലിക്കണമെന്ന് അബുദാബി പൊലിസ് മുന്നറിയിപ്പ് നൽകി. ഇലക്ട്രോണിക് ഇൻഫർമേഷൻ ബോർഡുകളിൽ പ്രദർശിപ്പിച്ചിരിക്കുന്ന മാറിക്കൊണ്ടിരിക്കുന്ന വേഗപരിധി പാലിക്കണമെന്നും സോഷ്യൽ മീഡിയ പോസ്റ്റിൽ അവർ ആവശ്യപ്പെട്ടു.

തീരദേശ, വടക്കൻ, കിഴക്കൻ മേഖലകളിൽ ചൊവ്വാഴ്ച കൂടുതൽ മഴ പ്രതീക്ഷിക്കാം. ബുധനാഴ്ച, രാജ്യത്തിന്റെ വിവിധ ഭാഗങ്ങളിൽ മഴ പ്രതീക്ഷിക്കുന്നു. വ്യാഴാഴ്ച, ഫുജൈറ, അബുദാബി തുടങ്ങിയ കിഴക്കൻ, തെക്ക് പ്രദേശങ്ങളിലെ താമസക്കാർക്ക് മേഘാവൃതമായ ആകാശവും മഴയും അനുഭവപ്പെടുമെന്ന് എൻ.സി.എം അറിയിച്ചു.

ഈ ദിവസങ്ങളിൽ രാവിലെ ഈർപ്പം ഉയർന്നതായിരിക്കും. മണിക്കൂറിൽ 15-25 കി.മീ വേഗതയിൽ കാറ്റ് ആവർത്തിച്ച് വീശുമെന്നും ചില സമയങ്ങളിൽ മണിക്കൂറിൽ 45 കി.മീ വരെ വേഗതയിൽ വീശുമെന്നും മുന്നറിയിപ്പുണ്ട്. ചില സമയങ്ങളിൽ പൊടിപടലമുള്ള അവസ്ഥയ്ക്ക് കാരണമാകുമെന്നും പ്രതീക്ഷിക്കുന്നു.

അറേബ്യൻ ഗൾഫിലെ സാഹചര്യങ്ങൾ മോശമായിരിക്കുമെന്നതിനാൽ ബീച്ച് സന്ദർശിക്കുന്നവരും ജാഗ്രത പുലർത്തണം.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.