ന്യൂഡല്‍ഹി: സുപ്രിംകോടതിയുടെ 49ാം ചീഫ് ജസ്റ്റിസായി ജസ്റ്റിസ് യു.യു ലളിത് ഇന്ന് ചുമതലയേല്‍ക്കും. രാഷ്ട്രപതിഭവനിലെ ചടങ്ങില്‍ രാഷ്ട്രപതി ദ്രൗപദി മുര്‍മു പ്രതിജ്ഞാവാചകം ചൊല്ലിക്കൊടുക്കും. ചീഫ് ജസ്റ്റിസായിരുന്ന എന്‍.വി രമണ വിരമിച്ചതോടെയാണ് ജസ്റ്റിസ് യു.യു ലളിത് പുതിയ ചീഫ് ജസ്റ്റിസായി അധികാരമേല്‍ക്കുന്നത്.

ജസ്റ്റിസ് എ.എം സിക്രിക്കു ബാറില്‍ നിന്ന് നേരിട്ട് സുപ്രിം കോടതി ബെഞ്ചിലേക്ക് ഉയര്‍ത്തപ്പെടുന്ന രണ്ടാമത്തെ ചീഫ് ജസ്റ്റിസാസ് ജസ്റ്റിസ് ലളിത്.1971 ജനുവരിയില്‍ 13ാമത് ചീഫ് ജസ്റ്റിസ് ആയിരുന്നു ജസ്റ്റിസ് സിക്രി.

2014 ആഗസ്റ്റ് 13നാണ് അദ്ദേഹം സുപ്രിം കോടതി ജഡ്ജിയായി ഉയര്‍ത്തപ്പെടുന്നത്. അതിന് മുമ്പ് ജസ്റ്റിസ് ലളിത് സുപ്രിം കോടതിയിലെ മുതിര്‍ന്ന അഭിഭാഷകനായിരുന്നു. അദ്ദേഹത്തിന്റെ പിതാവ് ജസ്റ്റിസ് യു ആര്‍ ലളിത് മുതിര്‍ന്ന അഭിഭാഷകനും ഡല്‍ഹി ഹൈക്കോടതി ജഡ്ജിയുമായിരുന്നു.

വരുന്ന നവംബര്‍ 08 വരൊണ് ജസ്റ്റിസ് യുയു ലളിത് സുപ്രിംകോടതി ചീഫ് ജസ്റ്റിസ് ആയി പ്രവര്‍ത്തിക്കുക. 74 ദിവസം പദവിയില്‍ ഉണ്ടാകും.