തിരുവനന്തപുരം: നെടുമങ്ങാട് കരകുളത്ത് ആശുപത്രി കെട്ടിടത്തിനുള്ള കെട്ടിട നിര്‍മാണത്തിനായി മണ്ണെടുക്കുന്നതിനിടെ മണ്ണിടിഞ്ഞ് രണ്ടുപേര്‍ മരിച്ചു. ഊരൂട്ടമ്പലം സ്വദേശികളായ വിനയചന്ദ്രന്‍, ഷിബു എന്നിവരാണ് മരിച്ചത്. ഉച്ചയ്ക്ക് 12 മണിക്കാണ് സംഭവം. കെല്‍ട്രോണ്‍ ജങ്ഷന് സമീപമാണ് അപകടമുണ്ടായത്. കെട്ടിട നിര്‍മാണത്തിന് വേണ്ടി അടിത്തറ കെട്ടാനായി മണ്ണെടുക്കുന്നതിനിടെയായിരുന്നു ദുരന്തം.
നാട്ടുകാരും ഫയര്‍ഫോഴ്സും ചേര്‍ന്ന് മണ്ണുമാറ്റി ഇവരെ പുറത്തെടുത്തത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ബേസ്‌മെന്റിനായി വാനം വെട്ടുന്നതിനിടയില്‍ മണ്ണിടിഞ്ഞ് വീണുവെന്നാണ് വിവരം.