2023 February 04 Saturday
‘കട്ടപ്പുറത്തെ കേരള സര്‍ക്കാര്‍’ ധവളപത്രം പുറത്തിറക്കി യു.ഡി.എഫ്; ഗുരുതര ആരോപണങ്ങള്‍

യു.എ.ഇയില്‍ അഞ്ച് മില്യണ്‍ ദിര്‍ഹം മോഷ്ടിച്ച അക്കൗണ്ടന്റിന് അഞ്ചു വര്‍ഷം തടവും നാടുകടത്തലും

ദുബയ്: കഴിഞ്ഞ മാര്‍ച്ചില്‍ യു.എ.ഇയിലെ പുകയില വ്യാപാര കമ്പനിയില്‍ നിന്ന് അഞ്ച് മില്യണ്‍ ദിര്‍ഹം മോഷ്ടിച്ച കേസില്‍ രണ്ട് വിദേശികളെ കോടതി ശിക്ഷിച്ചു. കമ്പനിയില്‍ ജോലിചെയ്തിരുന്ന അക്കൗണ്ടന്റിനെയും ഇയാളുടെ സഹോദരനെയും അഞ്ചു വര്‍ഷത്തെ തടവിനു ശേഷം നാടുകടത്താന്‍ കോടതി ഉത്തരവിട്ടു. നഷ്ടപ്പെട്ട തുക ഇരുവരില്‍ നിന്നുമായി ഈടാക്കും.

ദുബായ് സിലിക്കണ്‍ ഒയാസിസിലാണ് സ്ഥാപനം. കാഷ്യറെ കബളിപ്പിച്ച് പണം സൂക്ഷിച്ച ലോക്കറിന്റെ താക്കോല്‍ അക്കൗണ്ടന്റ് കൈക്കലാക്കുകയായിരുന്നു. തന്റെ സഹോദരനെ ഉപയോഗിച്ച് ഇതിന്റെ പകര്‍പ്പ് ഉണ്ടാക്കിയാണ് മോഷണം നടത്തിയത്. ഒരു നിക്ഷേപകന്‍ കമ്പനി പര്‍ച്ചേസുകള്‍ക്ക് നല്‍കുന്നതിനായി പണം കൊണ്ടുവരാന്‍ കാഷ്യറോട് ആവശ്യപ്പെട്ടപ്പോഴാണ് പണം നഷ്ടമായത് അറിയുന്നത്. നിരീക്ഷണ ക്യാമറകള്‍ പരിശോധിച്ചപ്പോള്‍ പ്രവര്‍ത്തിസമയം അല്ലാത്തപ്പോള്‍ രണ്ട് പേര്‍ മുറിയില്‍ കയറിയതായി കണ്ടെത്തി. തുടര്‍ന്നാണ് പോലിസ് പ്രതികളെ പിടികൂടിയത്. പ്രതികള്‍ പണം സ്വന്തം നാട്ടിലേക്ക് അയച്ചിരുന്നു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.