2021 March 07 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

‘എന്തിന് അമിത്ഷായുടെ അക്കൗണ്ട് ബ്ലോക്ക് ചെയ്തു? ആരാണതിന് അധികാരം തന്നത്?’ ട്വിറ്ററിനെ പൊരിച്ച് പാര്‍ലമെന്ററി സമിതി

 

ന്യൂഡല്‍ഹി: പാര്‍ലമെന്ററി സമിതിക്കു മുമ്പാകെ ഹാജരായ ഫെയ്‌സ്ബുക്ക്, ട്വിറ്റര്‍ പ്രതിനിധികളെ ഭീഷണിപ്പെടുത്തി പാര്‍ലമെന്ററി സമിതി. നവംബറില്‍ അമിത്ഷായുടെ അക്കൗണ്ടുകള്‍ എന്തിന് ബ്ലോക്ക് ചെയ്തുവെന്നാണ് ചോദ്യമുന്നയിച്ചത്.

പൗരന്മാരുടെ അവകാശത്തിന് സംരക്ഷണം, സോഷ്യല്‍മീഡിയ പ്ലാറ്റ്‌ഫോമുകളുടെ ദുരുപയോഗം തടയല്‍ എന്നീ അജണ്ടകള്‍ വച്ചാണ് ഇന്ന് യോഗം ചേര്‍ന്നത്. എന്നാല്‍, അമിത്ഷായുടെ അക്കൗണ്ട് ബ്ലോക്ക് ചെയ്തതിനെപ്പറ്റിയാണ് ചോദ്യമുന്നയിച്ചത്.

അമിത്ഷായുടെ പ്രൊഫൈല്‍ ചിത്രം കുറച്ചുസമയത്തേക്ക് ട്വിറ്റര്‍ ബ്ലോക്ക് ചെയ്തിരുന്നു. ഇതിനെയാണ് ചോദ്യംചെയ്തത്. ആരാണ് അതിന് അധികാരം നല്‍കിയതെന്നും പാര്‍ലമെന്ററി സമിതി ചോദിച്ചു. പകര്‍പ്പവകാശം ലംഘിച്ചതിനെ തുടര്‍ന്നാണ് ബ്ലോക്ക് ചെയ്തതെന്നാണ് ട്വിറ്റര്‍ നല്‍കിയ മറുപടി.

യു.എസില്‍ വിദ്വേഷ പരാമര്‍ശം നടത്തിയെന്ന പേരില്‍ പ്രസിഡന്റായിരിക്കെ തന്നെ ഡൊണാള്‍ഡ് ട്രംപിന്റെ പോലും അക്കൗണ്ട് ട്വിറ്റര്‍ അടക്കമുള്ള സാമൂഹ്യ മാധ്യമങ്ങള്‍ നീക്കം ചെയ്തിരുന്നു. എന്നാല്‍ ഇന്ത്യയില്‍ നിരന്തരം വിദ്വേഷ പരാമര്‍ശം നടത്തുന്ന ബി.ജെ.പി നേതാക്കളുടെ അക്കൗണ്ടുകള്‍ക്കെതിരെ നടപടിയില്ലാത്തത് എന്തേയെന്ന് പ്രതിപക്ഷ പാര്‍ട്ടികള്‍ ചോദിച്ചിരുന്നു.

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.