2021 April 15 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ആണവ നിരായുധീകരണം നടത്തിയാല്‍ അധികാരത്തില്‍ തുടരാം, അല്ലെങ്കില്‍ ഗദ്ദാഫിയുടെ വിധിയായിരിക്കും: കിമ്മിനോട് ട്രംപ്

വാഷിങ്ടണ്‍: യു.എസ് പ്രസിഡന്റ് ഡൊണാള്‍ഡ് ട്രംപും ഉത്തരകൊറിയന്‍ മേധാവി കിം ജോങ് ഉന്നും വീണ്ടും കൊമ്പുകോര്‍ക്കാനൊരുങ്ങുന്നു. ആണവ നിരായുധീകരണത്തില്‍ കിമ്മിന് മുന്നറിയിപ്പുമായി വന്നരിക്കുകയാണ് ട്രപ് ഇപ്പോള്‍. ആണവായുധങ്ങള്‍ ഒഴിവാക്കുകയാണെങ്കില്‍ അധികാരത്തില്‍ തുടരാമെന്നും അതല്ലെങ്കില്‍, ലിബിയന്‍ മുന്‍ നേതാവ് മുഅമ്മര്‍ അലി ഗദ്ദാഫിയുടെ വിധിയായിരിക്കുമെന്നും ട്രംപ് പറഞ്ഞു.

ജൂണ്‍ 12ന് ട്രംപുമായി സിംഗപ്പൂരില്‍ നടക്കുന്ന കിമ്മിന്റെ കൂടിക്കാഴ്ച റദ്ദു ചെയ്യുമെന്ന ഉത്തരകൊറിയയുടെ മുന്നറിയിപ്പിനു പിന്നാലെയാണ് ട്രംപിന്റെ പ്രതികരണം. ഏകപക്ഷീയമായ ആണവ നിരായുധീകരണമാണ് യു.എസ് ആവശ്യപ്പെടുന്നതെന്നു ചൂണ്ടിക്കാണിച്ചായിരുന്നു ഉത്തരകൊറിയയുടെ പിന്മാറ്റ ഭീഷണി.

കൂടിക്കാഴ്ച നടക്കുകയാണെങ്കില്‍ സംരക്ഷണം ലഭിക്കുമെന്നും അത് സുശക്തമായിരിക്കുമെന്നും ട്രംപ് വാഗ്ദാനം ചെയ്തു. മറിച്ചാണെങ്കില്‍ ഗദ്ദാഫിയുടെ ഗതിയായിരിക്കുമെന്നും ട്രംപ് പറഞ്ഞു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.