2021 October 27 Wednesday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

‘കൊറോണ കത്തുന്നു’: ഫ്‌ലോറിഡയിലെ തെരഞ്ഞെടുപ്പ് റാലിയില്‍ നിന്ന് ട്രംപ് പിന്തിരിഞ്ഞു

വാഷിങ്ടണ്‍: കൊറോണ വൈറസ് വ്യാപിക്കുന്നതില്‍ ഒരു കൂസലുമില്ലാതിരുന്ന യു.എസ് പ്രസിഡന്റ് ഡൊണാള്‍ഡ് ട്രംപ് ഇപ്പോള്‍ അല്‍പ്പം ജാഗ്രതയിലേക്ക് വരുന്നു. മുന്‍കാലങ്ങളില്‍ മുന്‍കരുതല്‍ നടപടികളിലൊന്നും വിശ്വസിക്കാതിരുന്ന ട്രംപ് ഈയിടെയായി മാസ്‌ക് ധരിച്ചത് വലിയ വാര്‍ത്തയായിരുന്നു. ഇപ്പോഴിതാ ഫ്‌ലോറിഡയിലെ തെരഞ്ഞെടുപ്പ് റാലി മാറ്റിവച്ചിരിക്കുകയാണ് ട്രംപ്.

‘കൊറോണ വൈറസ് കത്തുന്നതിനാ’ലാണ് പരിപാടിയില്‍ പിന്മാറുന്നതെന്ന് ട്രംപ് പറഞ്ഞു. ഇത് അതിനു പറ്റിയ സമയമല്ലെന്നും ട്രംപ് പറഞ്ഞു.

തെരഞ്ഞെടുപ്പ് പ്രചാരണത്തിന്റെ ഭാഗമായാണ് ഫ്‌ലോറിഡയില്‍ ട്രംപിന്റെ കണ്‍വെന്‍ഷന്‍ തീരുമാനിച്ചിരുന്നത്.

അതേസമയം, ട്രംപിനെ പ്രസിഡന്റ് സ്ഥാനാര്‍ഥി സ്ഥാനത്തേക്ക് ഔദ്യോഗികമായി നാമനിര്‍ദേശം ചെയ്ത നോര്‍ത്ത് കരോലിനയിലെ യോഗം ഭാഗികമായി നടക്കും. ഇന്ന് നടക്കുന്ന യോഗം പകുതിയാക്കി ചുരുക്കിയിട്ടുണ്ട്.

നേരത്തെ നടന്നിരുന്ന തെരഞ്ഞെടുപ്പ് പരിപാടികളില്‍ അണികളോട് മാസ്‌ക് ധരിക്കാത്തെ എത്തിക്കോളൂയെന്ന് നിര്‍ദേശിച്ചതും വലിയ ആള്‍ക്കൂട്ടം സൃഷ്ടിച്ചതും വിവാദമായിരുന്നു. എങ്കിലും ട്രംപ് പിന്മാറിയിരുന്നില്ല. ഈയിടെയാണ് മാസ്‌ക് ധരിക്കാന്‍ പോലും ട്രംപ് തയ്യാറായത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.