2024 February 21 Wednesday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

മുത്വലാഖ് ആക്ട് 2019: സമസ്തയുടെ ഹരജി സുപ്രിംകോടതി ഫയലില്‍ സ്വീകരിച്ചു, കേന്ദ്ര സര്‍ക്കാരിന് നോട്ടീസയച്ചു

 

 

ന്യൂഡല്‍ഹി: മുത്വലാഖ് ആക്ട് 2019 നെതിരെ സമസ്ത കേരള ജംഇയ്യത്തുല്‍ ഉലമ സമര്‍പ്പിച്ച ഹരജി സുപ്രിംകോടതി ഫയലില്‍ സ്വീകരിച്ചു. വിഷയത്തില്‍ പ്രതികരണം ആരാഞ്ഞ് സുപ്രിംകോടതി കേന്ദ്ര സര്‍ക്കാരിന് നോട്ടീസയച്ചു. നിയമം പരിശോധിക്കുമെന്നും സുപ്രിംകോടതി വ്യക്തമാക്കി.

   

മുത്വലാഖ് ചൊല്ലിയ ഭര്‍ത്താവിന് മൂന്നു വര്‍ഷം വരെ ശിക്ഷ വാങ്ങിക്കൊടുക്കുന്ന ബില്ല് പ്രതിപക്ഷത്തിന്റെ കടുത്ത എതിര്‍പ്പിനിടെ രാജ്യസഭയിലും ലോക്‌സഭയിലും പാസാക്കി സര്‍ക്കാര്‍ നിയമമാക്കിയിരുന്നു.

മുത്വലാഖ് ആക്ട്, 2019 നെ ചോദ്യം ചെയ്തുകൊണ്ട് സമസ്ത കേരള ജംഇയ്യത്തുല്‍ ഉലമ സുപ്രിംകോടതിയില്‍ ഫയല്‍ ചെയ്ത ഹരജി പരിഗണിച്ചാണ് സുപ്രിംകോടതി നോട്ടീസയച്ചത്. ജസ്റ്റിസുമാരായ എന്‍.വി രമണ, അജയ് രസ്‌തോഗി എന്നിവരടങ്ങിയ ബെഞ്ചാണ് ഹരജി പരിഗണിച്ചത്.

സമസ്തയ്ക്കു വേണ്ടി മുതിര്‍ന്ന അഭിഭാഷകരായ ഹുസൈഫ എ അഹ്മദി, മനോജ് വി. ജോര്‍ജ്, സുല്‍ഫിക്കര്‍ അലി പി.എസ്, മുഹമ്മദ് ത്വയ്യിബ് ഹുദവി എന്നിവര്‍ ഹാജരായി.


 


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.