2024 February 21 Wednesday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

ഇന്ന് അവലോകനയോഗം: ഇളവുകള്‍ക്ക് സാധ്യത; ജില്ലകളെ കാറ്റഗറികളായി തിരിച്ചുള്ള നിയന്ത്രണം തുടര്‍ന്നേക്കും

തിരുവനന്തപുരം: മൂന്നാം തരംഗത്തില്‍ ആദ്യമായി ആക്റ്റീവ് രോഗികളുടെ എണ്ണം കുറവു രേഖപ്പെടുത്തിയ സാഹചര്യത്തില്‍ ഇന്ന് കൊവിഡ് സാഹചര്യം വിലയിരുത്താന്‍ അവലോകന യോഗം. ഇളവുകള്‍ക്ക് സാധ്യതയുണ്ടാകാം. വ്യാപനം കുറഞ്ഞ തിരുവനന്തപുരം അടക്കമുള്ള ജില്ലകളെ കടുത്ത നിയന്ത്രണങ്ങളുള്ള സി.കാറ്റഗറിയില്‍ നിന്ന് മാറ്റാന്‍ സാധ്യതയുണ്ട്.
ഞായാറാഴ്ചകളിലെ ലോക്ക്ഡൗണ്‍ ഈ ആഴ്ചകൂടി തുടര്‍ന്നേക്കും. സമാനമായ നിയന്ത്രണം തുടരാന്‍ കഴിഞ്ഞ അവലോകന യോഗമാണ് തീരുമാനിച്ചിരുന്നത്. ഇക്കാര്യത്തില്‍ മാറ്റത്തിന് സാധ്യതയില്ല. ജില്ലകളെ കാറ്റഗറികളായി തിരിച്ചുള്ള നിയന്ത്രണവും തുടര്‍ന്നേക്കും. പൊതുപരിപാടികളുടെ നിയന്ത്രണത്തിലും ഒരാഴ്ച്ച കൂടി കഴിഞ്ഞേ തീരുമാനമുണ്ടാവകയുള്ളൂ. നിലവില്‍ തിരുവനന്തപുരം, ഇടുക്കി, പത്തനംതിട്ട, കൊല്ലം കോട്ടയം ജില്ലകളാണ് സി കാറ്റഗറിയിലുള്ളത്.
അതേ സമയം കേരളത്തിലും മിസോറാമിലും കൊവിഡ് പൊസിറ്റിവിറ്റി നിരക്ക് കൂടുന്നതായാണ് കേന്ദ്രത്തിന്റെ കണക്ക്. കേരളത്തിലെ ടിപിആര്‍ മൂന്നാഴ്ചയ്ക്കിടെ 13.3 ശതമാനത്തില്‍ നിന്ന് 47 ശതമാനമായി ഉയര്‍ന്നുവെന്ന് കേന്ദ്രം പറയുന്നു. കണ്ടെയ്ന്‍മെന്റ് സോണുകളില്‍ നിയന്ത്രണം കൂട്ടാനാണ് കേന്ദ്ര നിര്‍ദ്ദേശം.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.