അടുക്കളയിലെ സിങ്കില്‍ നിന്ന് വരുന്ന രൂക്ഷഗന്ധം മാറ്റാം ഈസിയായി
അടുക്കളയിലെ സിങ്കില്‍ നിന്ന് വരുന്ന രൂക്ഷഗന്ധം മാറ്റാം ഈസിയായി
അടുക്കളയിലെ ഏറ്റവും വൃത്തിവേണ്ട സ്ഥലങ്ങളിലൊന്നാണ് സിങ്ക്. പാത്രങ്ങളൊക്കെ കഴുകിയ ശേഷം സിങ്കില്‍ നിന്ന് വരുന്ന ദുര്‍ഗന്ധം ഇടയ്‌ക്കെങ്കിലും പലരേയും അലട്ടാറുണ്ട്. ഭക്ഷണം കഴിച്ച പാത്രങ്ങളെല്ലാം അടുക്കളയില്‍ സിങ്കിലാണ് പൊതുവെ ഇടാറുള്ളത്. പലതരത്തിലുള്ള ബാക്ടീരിയകളും അതുപോലെ ദുര്‍ഗന്ധവുമൊക്കെ സിങ്കില്‍ സാധാരണമായി ഉണ്ടാകാറുണ്ട്. സിങ്കിലെ ഈ നാറ്റം കാരണം പലപ്പോഴും അടുക്കളയില്‍ നിന്ന് പാചകം ചെയ്യാന്‍ പോലും സാധിക്കില്ല. അടുക്കളയിലെ സിങ്കിലെ ദുര്‍ഗന്ധം ഇല്ലാതാക്കാന്‍ ചെയ്യാന്‍ കഴിയുന്ന ചില പൊടികൈകളുണ്ട്.
വിനാഗിരി ഉപയോഗിക്കാം
സിങ്കില്‍ നിന്ന് മണം വരാന്‍ തുടങ്ങിയാല്‍, അത് പരിഹരിക്കാന്‍ വിനാഗിരി മതിയാകും. ഒരു കപ്പ് വെള്ളത്തില്‍ 3 കപ്പ് വിനാഗിരി ചേര്‍ത്ത് കുറച്ച് ബേക്കിംഗ് സോഡയും ഒരു നാരങ്ങ നീരും ചേര്‍ക്കുക. ഈ മിശ്രിതം ഒഴിച്ച് സിങ്ക് വൃത്തിയാക്കുക. സിങ്കിലെ അഴുക്കും കറയും മാറ്റാനും അതുപോലെ മണം ലഭിക്കാനും ഇത് ഏറെ നല്ലതാണ്. ഇതുപോലെ പച്ചക്കറികളും ഇറച്ചിയുമൊക്കെ വിനാഗിരി ഒഴിച്ച് കഴുകുന്നതും ഏറെ നല്ലതാണ്.
പെപ്പര്‍മിന്റ് ഓയില്‍
അടുക്കളയിലെ സിങ്കില്‍ നിന്ന് ദുര്‍ഗന്ധം അകറ്റാന്‍ ആദ്യം സിങ്ക് നന്നായി വൃത്തിയാക്കി അത് ഉണക്കി എടുക്കുക. അതിനു ശേഷം പെപ്പര്‍മിന്റ് ഓയില്‍ ഈ സിങ്കില്‍ വിതറാം. ഇതിനായി ഒരു സ്‌പ്രേ ബോട്ടില്‍ ഉപയോഗിക്കാവുന്നതാണ്. കുറച്ച് വെള്ളം ഒഴിച്ച് അതില്‍ പെപ്പര്‍മിന്റ് ഓയില്‍ ചേര്‍ത്താണ് സ്‌പ്രേ ചെയ്യേണ്ടത്. എന്നാല്‍ വെള്ളം കലര്‍ത്താതെ വെറുതെ വിതറുന്നത് നല്ല തിളക്കം നല്‍കാന്‍ സഹായിക്കും. പെപ്പര്‍മിന്റ് ഓയില്‍ ലഭ്യമല്ലെങ്കില്‍, കുറച്ച് പുതിന പിഴിഞ്ഞ് ജ്യൂസ് എടുത്ത് സിങ്കില്‍ ഒഴിക്കാവുന്നതാണ്.
നാരങ്ങാത്തൊലി
എല്ലാ വീട്ടിലെയും അടുക്കളയില്‍ സുലഭമായി കാണുന്നതാണ് നാരങ്ങ. ചൂട് സമയത്ത് ഒരു നാരങ്ങ വെള്ളം കുടിക്കുന്നത് പല തരത്തിലുള്ള ഗുണങ്ങളാണ് നല്‍കുന്നത്. നാരങ്ങയുടെ നീര് സൗന്ദര്യ സംരക്ഷണത്തിനും ഏറെ മികച്ചതാണ്. എന്നാല്‍ ഈ നാരങ്ങയുടെ തൊലി ഉപയോഗിച്ചും പല തരത്തിലുള്ള ഗുണങ്ങളുണ്ട്. നാരങ്ങ ഉപയോഗിക്കുന്നതിനും തൊലികള്‍ വലിച്ചെറിയുന്നതിനും പകരം, സിങ്കിലെ ദുര്‍ഗന്ധം ഇല്ലാതാക്കാന്‍ ഇവ ഉപയോഗിക്കാം. നാരങ്ങ നീര് പിഴിഞ്ഞ് നാരങ്ങയുടെ ഉള്ളില്‍ ഉപ്പ് ചേര്‍ത്ത് സിങ്കില്‍ മുഴുവന്‍ തേച്ച് പിടിപ്പിക്കുക. അരമണിക്കൂറോളം കുതിര്‍ത്ത ശേഷം കഴുകി വ്യത്തിയാക്കാവുന്നതാണ് ഇത് സിങ്ക് തിളങ്ങുകയും വൃത്തിയുള്ളതുമായിരിക്കും അതുപോലെ മണം ലഭിക്കാനും സഹായിക്കും.
നാഫ്താലിന്‍ ഗുളിക
നാഫ്തലിന്‍ ഗുളിക അഥവ പാറ്റ ഗുളിക പല വീടുകളിലും കാണാറുണ്ട്. കുളിമുറിയിലും ക്ലോസറ്റിലുമൊക്കെ ഈ നാഫ്തലിന്‍ ഗുളികകള്‍ മണത്തിന് ഉപയോഗിക്കാറുണ്ട്. സിങ്കിലെ ദുര്‍ഗന്ധം അകറ്റാനുള്ള ഏറ്റവും വലിയ എളുപ്പ വഴിയാണിത്. സിങ്കില്‍ നാഫ്താലിന്‍ ഗുളികകള്‍ വയ്ക്കുന്നത് ദുര്‍ഗന്ധം തടയാന്‍ സഹായിക്കും. പക്ഷെ പാത്രങ്ങള്‍ക്കൊപ്പം ഒരിക്കലും നാഫ്തലിന്‍ ഗുളികകള്‍ ഇടാന്‍ പാടില്ല.
കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.
Comments are closed for this post.
Latest News
- പുതിയ വന്ദേഭാരതിന് തിരൂരില് സ്റ്റോപ്പ് അനുവദിച്ചു; അറിയിപ്പ് ലഭിച്ചെന്ന് ഇ.ടി മുഹമ്മദ് ബഷീര് എം.പി
- ലോക്സഭ തെരഞ്ഞെടുപ്പ്: കോയമ്പത്തൂരില് നിന്ന് മത്സരിക്കുമെന്ന് കമല് ഹാസന്
- ഇടവിട്ടുള്ള മഴ, ഡെങ്കിപ്പനി വ്യാപനം തടയാന്‍ ജാഗ്രത വേണം, നീണ്ടുനില്ക്കുന്ന പനി ശ്രദ്ധിക്കണം: ആരോഗ്യമന്ത്രി
- അരുണാചലില് നിന്നുള്ള വുഷു താരങ്ങള്ക്ക് വിസ നിഷേധിച്ചു; അനുരാഗ് ഠാക്കൂര് ചൈന സന്ദര്ശനം റദ്ദാക്കി
- ഒറ്റപ്പെട്ട ശക്തമായ മഴയ്ക്ക് സാധ്യത; ഏഴ് ജില്ലകളില് യെല്ലോ അലര്ട്ട്
