2021 May 16 Sunday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ബ്രിട്ടനിലെ സഊദി അംബാസിഡറുടെ വസതി തീവെക്കാൻ ശ്രമം, ഭീകരാക്രമണ ശ്രമമെന്ന് പോലീസ്

ലണ്ടൻ: ബ്രിട്ടനിലെ സഊദി അംബാസഡർ പ്രിൻസ് ഖാലിദ് ബിൻ ബന്ദറിന്റെ വസതിക്ക് തീയിടാൻ ശ്രമിച്ച രണ്ടുപേരെ ബ്രിട്ടീഷ് പോലീസ് അറസ്റ്റ് ചെയ്തു. വെള്ളിയാഴ്ചയാണ് സംഭവം അരങ്ങേറിയത്. ബ്രിട്ടനിലെ കെൻസിംഗ്ടൺ പാലസ് ഉദ്യാനത്തിലെ കെട്ടിടത്തിന് സമീപമാണ് തീ വെപ്പ് ശ്രമം നടന്നത്. ഇതിന് സമീപത്തുണ്ടായിരുന്ന മധ്യവയസ്‌കരായ രണ്ടുപേരിൽ ഒരാൾ ഗേറ്റിലേക്ക് എന്തോ എറിയുന്നത് കണ്ട് ഇവരെ പ്രതിരോധിക്കാനായി ഓടിയെത്തിയ പാറാവ് കാരന്റെ മുഖത്ത് പ്രതികൾ കുത്തിപരിക്കേല്പിക്കുകയും ചെയ്തു. സംഭവത്തിൽ പാലസ് ഉദ്യാനത്തിന് തീപ്പിടിച്ചു. സംഭവ സമയം അംബാസിഡർ വസതിയിലുണ്ടായിരുന്നു.

അപകടസ്ഥലത്തെത്തിയ പൊലീസാണ് പ്രതികളെന്ന് സംശയിക്കുന്നവരെ അറസ്റ്റ് ചെയ്തത്. ലണ്ടൻ അഗ്നിശമന സേന 10 മിനിറ്റിനുള്ളിൽ തീ നിയന്ത്രണ വിധേയമാക്കിയതായും ആർക്കും പരിക്കുകളൊന്നും റിപ്പോർട്ട് ചെയ്തിട്ടില്ലെന്നും സംഭവത്തിന് പിന്നിലെ ലക്ഷ്യം തീവ്രവാദ പ്രവർത്തനമാണെന്ന് പോലീസ് വിലയിരുതിയതായും ബ്രിട്ടനിലെ ഡെയിലി മെയിൽ പത്രം റിപ്പോർട്ട് ചെയ്തു.

ലണ്ടനിലെ ഏറ്റവും ചെലവേറിയ തെരുവുകളിലൊന്നാണ് കെൻസിംഗ്ടൺ പാലസ് ഗാർഡൻസ്. റഷ്യ, ലെബനൻ, നേപ്പാൾ ഉൾപ്പെടെയുള്ള രാജ്യങ്ങളുടെ എംബസികളും ദശലക്ഷക്കണക്കിന് പൗണ്ട് വില വരുന്ന വീടുകളും ഉൾപ്പെടുന്ന മേഖലയാണിത്.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.