ഹൈദരാബാദ്: തെലങ്കാനയിൽ സ്‌കൂളുകൾ ഫെബ്രുവരി ഒന്ന് മുതൽ തുറന്നുപ്രവർത്തിക്കും. ആരോഗ്യവകുപ്പിന്റെ റിപ്പോർട്ടിന്റെ അടിസ്ഥാനത്തിൽ കർശന നിയന്ത്രണങ്ങളോടെയാണ് സ്‌കൂളുകൾ തുറക്കാൻ തീരുമാനിച്ചത്. ആദ്യ ആഴ്ചയിൽ ഓൺലൈനിലും ഓഫ്‌ലൈനിലും ക്ലാസുണ്ടാവും. ഓൺലൈൻ ക്ലാസുകളിൽ തുടരാൻ ആഗ്രഹിക്കുന്നവർക്ക് ഒരാഴ്ചകൂടി ഓൺലൈൻ ക്ലാസുകൾ കേൾക്കാൻ അവസരമുണ്ടാവും. ആരോഗ്യമന്ത്രി ടി. ഹരീഷ്, വിദ്യാഭ്യാസ മന്ത്രി സബിത് ഇന്ദ്ര റെഡ്ഢി എന്നിവർ ഇന്ന് ആരോഗ്യവിദഗ്ധരോടൊപ്പം മുഖ്യമന്ത്രിയെക്കണ്ട് സംസ്ഥാനത്തെ കോവിഡ് സാഹചര്യങ്ങൾ വിശദീകരിച്ചു. കോവിഡ് വ്യാപനം രൂക്ഷമായതിനെ തുടർന്ന് ജനുവരി മൂന്നിനാണ് തെലുങ്കാനയിൽ സ്‌കൂളുകൾ അടച്ചത്.