കുവൈത്ത് സിറ്റി: ഷെയ്ഖ് ജാബർ പാലത്തിൽ നിന്ന് കടലിൽ ചാടിയ യുവതിയെ കുവൈത്ത് അഗ്നിശമനസേന രക്ഷപ്പെടുത്തി. ശനിയാഴ്ച വൈകുന്നേരമാണ് ജാബർ പാലത്തിന് മുകളിൽ നിന്ന് ചാടി യുവതി ആത്മഹത്യയ്ക്ക് ശ്രമിച്ചതായി സെൻട്രൽ ഓപ്പറേഷൻസ് ഡിപ്പാർട്ട്‌മെന്റിന് റിപ്പോർട്ട് ലഭിച്ചതെന്ന് ജനറൽ ഫയർഫോഴ്‌സിലെ പബ്ലിക് റിലേഷൻസ് ആൻഡ് മീഡിയ വിഭാഗം റിപ്പോർട്ട് ചെയ്തു.

യുവതി സ്വയം പാലത്തിൽ നിന്ന് ചാടുകയായിരുന്നു. സെക്യൂരിറ്റിയും ആംബുലൻസും സംഭവസ്ഥലത്തേക്ക് എത്തിയപ്പോൾ തുറന്ന കാർ കണ്ടെത്തുകയായിരുന്നു വെന്ന് സുരക്ഷാ വൃത്തങ്ങൾ പറഞ്ഞു. ഷുവൈഖ്, സാൽമിയ ഫയർ ആൻഡ് മറൈൻ റെസ്‌ക്യൂ സെന്റർ എന്നിവിടങ്ങളിൽ നിന്നുള്ള സംഘങ്ങളെ ഓപ്പറേഷൻസ് ഡിപ്പാർട്ട്‌മെന്റ് കമ്മ്യൂണിക്കേഷൻ സ്ഥലത്തെത്തി കോസ്റ്റ് ഗാർഡുമായി സഹകരിച്ച് തിരച്ചിൽ നടത്തിയാണ് കാണാതായ യുവതിയെ ജീവനോടെ കണ്ടെത്തിയത്. പിന്നീട് അവരെ മെഡിക്കൽ എമർജൻസി വിഭങ്ങൾക്ക് കൈമാറി.