2022 August 17 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

പി.സി ജോര്‍ജിന്റെ അറസ്റ്റ് മാനദണ്ഡം പാലിക്കാതെയെന്ന് കോടതി, പരാതി നല്‍കാന്‍ വൈകിയതില്‍ ദുരൂഹത

കൊച്ചി: പി.സി ജോര്‍ജിനെതിരായ പീഡന പരാതിയിലെ അറസ്റ്റ് മാനദണ്ഡം പാലിക്കാതെയാണെന്ന് കോടതി. വഞ്ചിയൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയുടെ ഉത്തരവിലാണ് നിരീക്ഷണം. അറസ്റ്റില്‍ സുപ്രിം കോടതി മാനദണ്ഡം പാലിച്ചില്ലെന്നാണ് കോടതി ചൂണ്ടിക്കാട്ടിയത്. പരാതി നല്‍കാന്‍ വൈകിയതില്‍ കോടതി സംശയവും പ്രകടിപ്പിച്ചു. പരാതിക്കാരിക്ക് ഇത്തരം നിയമനടപടകളെക്കുറിച്ച് വ്യക്തമായ ധാരണയുണ്ടെന്നും കോടതി ചൂണ്ടിക്കട്ടി. പരാതി നല്‍കാന്‍ വൈകിയതില്‍ വ്യക്തമായ കാരണം ബോധിപ്പിക്കാന്‍ സാധിച്ചിട്ടില്ലെന്നും പി.സി ജോര്‍ജിന്റെ ജാമ്യഉത്തരവില്‍ കോടതി വ്യക്തമാക്കി. അതേ സമയം പി.സി ജോര്‍ജിന്റെ ജാമ്യം റദ്ദാക്കണമെന്നാവശ്യപ്പെട്ട് പരാതിക്കാരി ഹൈക്കോടതിയില്‍ ഹരജി നല്‍കിയിട്ടുണ്ട്. തന്റെ വാദം കേള്‍ക്കാതെയാണ് ജാമ്യം അനുവദിച്ചതെന്നാണ് ഹരജിയിലെ വാദം.

സോളാര്‍ തട്ടിപ്പ് കേസ് പ്രതി നല്‍കിയ പീഡന പരാതിയില്‍ ശനിയാഴ്ചയാണ് പി.സി.ജോര്‍ജിനെ അറസ്റ്റ് ചെയ്തത്.ജോര്‍ജിന് ജാമ്യം അനുവദിച്ച ഉത്തരവിലാണ് കേസിന്റെ വിശ്വാസ്യതയില്‍ കോടതി സംശയം പ്രകടിപ്പിച്ചത്. 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.