2022 July 01 Friday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സിറിയന്‍ വിമതപ്രദേശമായ ദേരായില്‍ ആക്രമണം ശക്തമാക്കി: ആയിരങ്ങള്‍ പാലായനം ചെയ്തു

ദമസ്‌കസ്: സിറിയയിലെ വിമത കേന്ദ്രമായ ദേരായില്‍ സര്‍ക്കാര്‍ സൈന്യത്തിന്റെ ആക്രമണത്തെ തുടര്‍ന്ന് ആയിരക്കണക്കിനു പേര്‍ പലായനം ചെയ്തു. ചൊവ്വാഴ്ച മുതല്‍ 2,500 പേര്‍ ദേരായില്‍ നിന്ന് പാലയനം ചെയ്‌തെന്നാണ് യു.എന്‍ കണക്ക്.

ജോര്‍ദാന്‍, ഇസ്‌റാഈല്‍ പിടച്ചെടുത്ത ഗോലാന്‍ കുന്നുകള്‍ എന്നിവയുമായി അതിര്‍ത്തി പങ്കിടുന്ന പ്രേദശമാണ് ദേരാ. ആക്രമണം ബാധിക്കാത്ത ജോര്‍ദാന്റെ അതിര്‍ത്തി പ്രദേശങ്ങളിലേക്കാണ് ആളുകള്‍ പാലായനം ചെയ്യുന്നത്.

സര്‍ക്കാരിന്റെ വിമതരുടെയും ഇടയില്‍ നടന്ന ചര്‍ച്ചയുടെ അടിസ്ഥാനത്തില്‍ ദേരായെ സമാധാന പ്രദേശമായി പരിഗണിച്ചിരുന്നു. എന്നാല്‍ കഴിഞ്ഞയാഴ്ച മുതലാണ് മേഖലയില്‍ സംഘര്‍ഷ സാഹചര്യമുണ്ടായത്. വിമതര്‍ക്ക് യു.എസിന്റെ പിന്തുണയുണ്ട്.

ആക്രമണത്തില്‍ എത്ര പേര്‍ കൊല്ലപ്പെട്ടുവെന്ന കണക്ക് ലഭ്യമായിട്ടില്ല. ശക്തമായ വ്യോമാക്രമണമാണ് നടക്കുന്നതെന്നും എട്ട് സാധാരണക്കാരും ആറ് വിമതരും കൊല്ലപ്പെട്ടുവെന്ന് സൈന്യം അറിയിച്ചു.

ഗൂഥയില്‍ രക്തരൂക്ഷിത ആക്രമണത്തിനൊടുവില്‍ വിമതര്‍ കീഴടങ്ങിയിരുന്നു. ദേരാ കൂടി ലക്ഷ്യമിട്ട് സര്‍ക്കാര്‍ സൈന്യം നീങ്ങിയതോടെ സിറിയ വീണ്ടും ശക്തമായ ആഭ്യന്തര സംഘര്‍ഷത്തിലേക്ക് നീങ്ങുകയാണ്. 2011 മുതല്‍ ഇവിടെ ആരംഭിച്ച സംഘര്‍ഷത്തില്‍ ഇതുവരെ 350,000 പേര്‍ കൊല്ലപ്പെട്ടു. 11മില്യന്‍ ജനങ്ങള്‍ പലായനം ചെയ്തു.


 

 

 


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.