2024 March 02 Saturday
രാജീവ് ഗാന്ധി വധക്കേസില്‍ ജയില്‍മോചിതനായ ശാന്തന്‍ മരിച്ചു

കവിത; ശഫീഖ് അബ്ദുല്ല

കവിത; ശഫീഖ് അബ്ദുല്ല

വീടൊരു ഭൂമിയും
അമ്മയൊരു
അച്ചുതണ്ടുമാണെന്ന്
കാലങ്ങള്‍ക്കുമുന്നേ
അറിയുന്നതാണെങ്കിലും,
അതിന്റെ കറക്കം
മനോഹരമാക്കുകയെന്നത്
അത്രയെളുപ്പമല്ലെന്ന്
അമ്മയായപ്പോഴാണറിഞ്ഞത്.
ഋതുക്കളുടെ
വേഷപ്പകര്‍ച്ചയിലും
സന്തുലിതാവസ്ഥ
നിലനിര്‍ത്തിപ്പോന്നത്
എത്ര വിദഗ്ധമായാണെന്ന്,
ഉദയാസ്തമയങ്ങളുടെ
കാന്‍വാസില്‍
മുറതെറ്റാതെ
രാപ്പകലുകള്‍ വരച്ചുവച്ചത്
എത്ര കൃത്യമായാണെന്ന്,
ഒരേസമയം
രണ്ടുകണ്ണും
കൈകാലുകളും
പറന്നെത്തിയത്
എത്ര വന്‍കരകളിലാണെന്ന്,
ഒരേയൊരു മനസ്,
ഞൊടിയിടയില്‍
ദേശാടനം നടത്തിയിരുന്നത്
എത്ര രാജ്യങ്ങളിലാണെന്ന്,
അമ്മയായപ്പോഴാണറിഞ്ഞത്;
അടര്‍ന്നുവീഴാതിരിക്കാന്‍,
അടിത്തറയിളകാതിരിക്കാന്‍,
വീടുമാത്രമല്ല, വീട്ടുകാരെയും
അമ്മയച്ചുതണ്ടില്‍ കറക്കിയത്
അതിവിദഗ്ധമായാണെന്ന്.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.