പൊലിസ് പി​ന്തു​ട​രു​ന്ന​തി​നി​ടെ കാ​ർ മ​റി​ഞ്ഞ് പരിക്കേറ്റ് ചികിത്സയിലായിരുന്ന വി​ദ്യാ​ർ​ഥി മ​രി​ച്ചു

കാസർഗോഡ്: കാർ മറിഞ്ഞ് പരിക്കേറ്റ് ചികിത്സയിൽ ആയിരുന്ന പ്ല​സ്ടു വിദ്യാർഥി മരിച്ചു. കാസർകോട് പേരാൽ കണ്ണൂർ സ്വദേശി പരേതനായ അബ്ദുള്ളയുടെ മകൻ ഫർഹാസ് (17) ആണ് മരിച്ചത്. പൊലിസ് പിന്തുടരുന്നതിടെയാണ് കാർ മറിഞ്ഞ് വിദ്യാർഥിക്ക് പരിക്കേറ്റത്. മം​ഗ​ളൂ​രു​വി​ൽ ചി​കി​ത്സ​യി​ലി​രി​ക്കെ​യാ​ണ്‌ മ​ര​ണം സംഭവിച്ചത്.

കാ​സ​ർ​ഗോ​ഡ് കു​മ്പ​ള​യി​ൽ ക​ഴി​ഞ്ഞ വെ​ള്ളി​യാ​ഴ്ച ഉ​ച്ച​യ്ക്കാ​യി​രു​ന്നു സംഭവം. പൊലിസിനെ കണ്ട് വിദ്യാർഥി കാർ നിർത്താതെ പോവുകയായിരുന്നു. ഇതോടെ കാറിനെ പൊലിസ് വാഹനം പിന്തുടർന്നു. അമിതവേഗത്തിൽ പൊലിസ് കാർ പിന്തുടർന്നതോടെ കാർ നിയന്ത്രണം വിട്ട് മറിഞ്ഞാണ് അപകടം സംഭവിച്ചത്. സം​ഭ​വ​ത്തി​ന്‍റെ സി​സി​ടി​വി ദൃ​ശ്യ​ങ്ങ​ള്‍ പു​റ​ത്തു​വ​ന്നി​രു​ന്നു.

സംഭവത്തിൽ, കു​മ്പ​ള പൊലി​സി​നെ​തി​രെ ന​ട​പ​ടി​യെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ട് വി​ദ്യാ​ർ​ഥി​യു​ടെ മാ​താ​വ് മ​നു​ഷ്യാ​വ​കാ​ശ ക​മ്മീ​ഷ​നും മു​ഖ്യ​മ​ന്ത്രി​ക്കും പ​രാ​തി ന​ൽ​കി​യി​രു​ന്നു. അം​ഗ​ടി​മു​ഗ​ർ ഗ​വ.​ ഹ​യ​ർ​സെ​ക്ക​ൻ​ഡ​റി സ്കൂ​ളി​ലെ പ്ല​സ്ടു വി​ദ്യാ‍​ർ​ഥി​യാ​യിരുന്നു ഫ​ർ​ഹാ​സ്.