2021 March 04 Thursday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ശക്തമായ തണുപ്പ്; സഊദിയിൽ വെള്ളക്കെട്ടുകൾ ഐസ് കട്ടയായി, വീഡിയോ

അബ്‌ദുസ്സലാം കൂടരഞ്ഞി

     റിയാദ്: അതിശക്തമായ തണുപ്പ് അനുഭവപ്പെടുന്ന സഊദിയിൽ പലയിടത്തും വെള്ളക്കെട്ടുകൾ ഐസ് കട്ടയായി മാറി. രാജ്യത്തിന്റെ വിവിധയിടങ്ങളിൽ മൈനസ് ഡിഗ്രി തണുപ്പാണ് അനുഭവപ്പെടുന്നത്. കടുത്ത ശീതക്കാറ്റും പൊടിക്കാറ്റും അടിക്കുന്നതും ജന ജീവിതത്തെ ബാധിച്ചിട്ടുണ്ട്. നിലവിലെ സാഹചര്യത്തിൽ ശീതക്കാറ്റ് തരംഗം രാജ്യത്തിന്റെ വിവിധ പ്രദേശങ്ങളെ ബാധിച്ചതായി പ്രാദേശിക മാധ്യമങ്ങൾ റിപ്പോർട്ട് ചെയ്തു.

       അൽ ജൗഫ് മേഖലയിലെ തബർജലിൽ ഇന്ന് രാവിലെ വെള്ളം മരവിച്ചു ഐസ് കട്ടയായി രൂപപ്പെട്ടതിന്റെ ക്ലിപ്പ് സോഷ്യൽ മീഡിയ ഉപയോക്താക്കൾ പങ്കിട്ടു. രാജ്യത്തുകൂടി കടന്നുപോകുന്ന ശക്തമായ തണുത്ത കാറ്റിന്റെ ഭാഗമായി പുലർച്ചെ രാജ്യത്തിന്റെ പല പ്രദേശങ്ങളിലും കടുത്ത തണുപ്പ് ഉണ്ടാകുമെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നൽകിയിട്ടുണ്ട്.

     കുറഞ്ഞ താപനില പൂജ്യ ഡിഗ്രിയിലോ അതിൽ താഴെയോ എത്തുമെന്നും ഇത് ഐസ് രൂപപ്പെടുന്നതിന് കാരണമാകുമെന്നും കാലാവസ്ഥ നിരീക്ഷകൻ ആദിൽ മഹമൂദ് അൽ ഖസൻലി മുന്നറിയിപ്പ് നൽകി.

തബർജലിലെ വീഡിയോ

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.