ദുബൈ: മുഹമ്മദ് ഷമിയെന്ന ഇന്ത്യന്‍ താരം കളിക്കളത്തിലിറങ്ങിയപ്പോള്‍ ദുബൈ അന്താരാഷ്ട്ര സ്‌റ്റേഡിയത്തിന്റെ ഗാലറിയുടെ മട്ടുമാറി. ഒരേ താളത്തില്‍ ഒരേ സ്വരത്തില്‍ അവിടെ ആരവമുയര്‍ന്നു. ഷമി..ഷമി…ഉയര്‍ന്നും താണും ഈണത്തില്‍ ആ ആരവും താഴെ കളിക്കളത്തില്‍ ഷമിയുടെ ഹൃദയത്തില്‍ തൊട്ടു. പാകിസ്താനുമായുള്ള കളിയില്‍ പരാജയപ്പെട്ടതിനെ തുടര്‍ന്ന് മുഹമ്മദ് ഷമിക്കെതിരെ സംഘ് പരിവാര്‍ നടത്തിയ മുഴുവന്‍ തെറിയഭിഷേകത്തിനുമുള്ള മറുപടിയായിരുന്നു അത്.

Shami Shami Shami
Indian Crowed Gave Special Welcome to Indian Pacer @MdShami11 , He was abused by angry Indian fans on social media. #MohammadShami #INDvsNZ #ICCT20WorldCup2021 @iihtishamm @SajSadiqCricket @daniel86cricket pic.twitter.com/pdHlCgu0NL

— Jameel Hassan (@JameelHassan32) October 31, 2021

ലോകകപ്പ് ടി20യിലെ രണ്ടാം മത്സരത്തില്‍ കഴിഞ്ഞ ദിവസം ന്യൂസിലാന്‍ഡിനോടാണ് ഇന്ത്യ ഏറ്റുമുട്ടിയത്. എന്നാല്‍ ദയനീയ പരാജയമായിരുന്നു ഫലം. ആദ്യം ബാറ്റ് ചെയ്ത ഇന്ത്യ 110 റണ്‍സാണെടുത്തത്.നായകന്‍ കോഹ്‌ലി ഉള്‍പെടെ റണ്‍സില്‍ ഒരക്കം കടന്നിരുന്നില്ല. ന്യൂസിലാന്‍ഡ് 14.3 ഓവറില്‍ രണ്ട് വിക്കറ്റ് നഷ്ടത്തില്‍ ലക്ഷ്യം കണ്ടു. ന്യൂസിലാന്‍ഡിനായി മാര്‍ട്ടിന്‍ ഗപ്റ്റില്‍(20) ഡാരിയേല്‍ മിച്ചല്‍(49), കെയിന്‍ വില്യംസണ്‍(33) എന്നിവര്‍ തിളങ്ങി.

ഇതോടെ ഇന്ത്യയുടെ സെമി പ്രവേശന പ്രതീക്ഷ പോലും തുലാസിലായിരിക്കുകയാണ്.