2022 July 06 Wednesday
നല്ല മനുഷ്യന്‍ സ്‌നേഹം മൂലം അനുസരിക്കുന്നു, അല്ലാത്തവന്‍ ഭയം മൂലവും.       അരിസ്റ്റോട്ടില്‍

സ്മാര്‍ട്ട് സിറ്റിയില്‍ നാലു പ്രമുഖ കമ്പനികള്‍ ഉടന്‍; ഡയറക്ടര്‍ ബോര്‍ഡ് യോഗം ഇന്ന് ദുബായില്‍

ദുബായ്: കൊച്ചി സ്മാര്‍ട്‌സിറ്റി കമ്പനിയുടെ 48-ാമത് ഡയറക്ടര്‍ ബോര്‍ഡ് യോഗം ഇന്നു ദുബായില്‍ നടക്കും. പദ്ധതിയുടെ രണ്ടാം ഘട്ടത്തിന്റെ അവലോകനമാണ് പ്രധാന അജണ്ട. മൂന്നാം ഘട്ടത്തിന്റെ ആസൂത്രണവും ആഗോള വിപണന തന്ത്രവും യോഗം വിലയിരുത്തും.

അതേസമയം, ആദ്യ ഐ.ടി ടവറില്‍ നാലു പ്രമുഖ ഐ.ടി കമ്പനികള്‍ ഉടന്‍ പ്രവര്‍ത്തനം തുടങ്ങും. അമേരിക്ക ആസ്ഥാനമായി 90ലേറെ രാജ്യങ്ങളില്‍ ഓയില്‍ ഫീല്‍ഡ് സേവനരംഗത്തു പ്രവര്‍ത്തിക്കുന്ന ഏറ്റവും വലിയ കമ്പനികളിലൊന്നായ ബേക്കര്‍ ഹ്യൂഗ്‌സ്, ആഗോള ഏവിയേഷന്‍ മേഖലയ്ക്ക് ഐ.ടി സൊലൂഷന്‍സ് നല്‍കുന്ന ഐ.ബി.എസ്, പ്രമുഖ അന്താരാഷ്ട്ര റീടെയ്ല്‍ സ്ഥാപനങ്ങള്‍ക്കു സങ്കീര്‍ണങ്ങളായ ഐ.ടി, എന്‍ജിനിയറിംഗ് ആപ്ലിക്കേഷനുകള്‍ നല്‍കുന്ന ലിറ്റ്മസ്7, ജെനോമിക്‌സ് ഗവേഷണരംഗത്തെ അഗ്രിജെനോം എന്നിവയാണ് ഈ കമ്പനികള്‍.

പദ്ധതിയുടെ രണ്ടാം ഘട്ടത്തിന്റെ ഭാഗമായി മൊത്തം 55 ലക്ഷം ചതുരശ്ര അടി വിസ്തൃതിയില്‍ സാന്‍ഡ്‌സ് ഇന്‍ഫ്രാബില്‍ഡിന്റെയും ഹോളിഡേ ഗ്രൂപ്പിന്റെയും ടവറുകളുടെ നിര്‍മാണം ഈയിടെ തുടങ്ങിയിരുന്നു. ഇതിന്റെ പുരോഗതിയില്‍ വൈസ് ചെയര്‍മാന്‍ ജാബിര്‍ ബിന്‍ ഹാഫിസ് സംതൃപ്തി രേഖപ്പെടുത്തി.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.