2024 February 22 Thursday
ബംഗാള്‍ ഉള്‍ക്കടലില്‍ ന്യൂനമര്‍ദ്ദം; സംസ്ഥാനത്ത് അടുത്ത അഞ്ച് ദിവസം മഴയ്ക്ക് സാധ്യത

തലയിണക്കടിയിലെ മൊബൈല്‍ ഫോണ്‍ നിങ്ങളുടെ ആരോഗ്യം നശിപ്പിക്കും; എന്തുകൊണ്ടെന്നറിയാം

മൊബൈല്‍ ഫോണ്‍ നമ്മുടെ ജീവിതത്തിന്റെ ഒരു പ്രധാന ഭാഗമായി മാറിയിരിക്കുന്നു. രാവിലെ എഴുന്നേല്‍ക്കുന്നത് മുതല്‍ രാത്രി ഉറങ്ങുന്നത് വരെ ഒരു ദിവസത്തെ മുഴുവന്‍ ജോലികള്‍ക്കും നമ്മള്‍ മൊബൈലിനെ ആശ്രയിക്കുന്ന അവസ്ഥയാണ്. അലാറം വെയ്ക്കാനോ, റിമൈന്‍ഡര്‍ സെറ്റ് ചെയ്യാനോ, ആരോടെങ്കിലും സംസാരിക്കാനോ, എല്ലാ ജോലികള്‍ക്കും മൊബൈല്‍ നമ്മുടെ കൈകളില്‍ തന്നെയുണ്ട്. മൊബൈല്‍ ഫോണുകളുടെ ഫീചറുകള്‍ വര്‍ധിക്കുന്നതിനനുസരിച്ച് രാത്രിയില്‍ തലയിണയ്ക്കടിയില്‍ മൊബൈല്‍ ഫോണുമായി ഉറങ്ങുന്നവരുടെ എണ്ണവും കൂടിവരികയാണ്.

മൊബൈല്‍ ഫോണ്‍ നമ്മുടെ ജീവിതം എളുപ്പമാക്കിയിരിക്കുന്നു, പക്ഷേ അത് പതുക്കെ നമ്മെ വാര്‍ധക്യം പ്രാപിക്കുന്നു. പകലെന്നോ രാത്രിയെന്നോ വ്യത്യാസമില്ലാതെ എല്ലാ സമയവും നമ്മുടെ കൂടെയുള്ള, മൊബൈല്‍ ഫോണില്‍ നിന്ന് പുറന്തള്ളുന്ന റേഡിയേഷന്‍ നമ്മുടെ ആരോഗ്യത്തിന് വളരെ ഹാനികരമാണ്. വിഷാദം, സമ്മര്‍ദം, ക്യാന്‍സര്‍ പോലുള്ള മാരകമായ രോഗങ്ങള്‍ എന്നിവയ്ക്കുള്ള സാധ്യതയും ഇത് വര്‍ധിപ്പിക്കുന്നു. ഉറങ്ങുമ്പോള്‍ നിങ്ങളുടെ അടുത്ത് മൊബൈല്‍ ഉപയോഗിച്ച് ഉറങ്ങുന്ന ശീലം ഉണ്ടെങ്കില്‍, അത് നിങ്ങളുടെ ആരോഗ്യത്തെ വളരെയധികം ദോഷകരമായി ബാധിക്കുമെന്നതിനാല്‍ ഉടന്‍ ഉപേക്ഷിക്കുക. എന്തുകൊണ്ടെന്നറിയാം.

തലച്ചോറില്‍ നെഗറ്റീവ് പ്രഭാവം

   

തലയിണയ്ക്കടിയിലോ നെഞ്ചിലോ മൊബൈല്‍ ഫോണ്‍ വച്ചുകൊണ്ട് നിങ്ങളും രാത്രി ഉറങ്ങുകയാണെങ്കില്‍, ഈ ശീലങ്ങള്‍ ഉടന്‍ ഉപേക്ഷിക്കുക. രാത്രിയില്‍ മൊബൈല്‍ അടുത്ത് വെച്ച് ഉറങ്ങുന്നത് തലച്ചോറിനെയും പ്രതികൂലമായി ബാധിക്കുന്നു.

ശരീരത്തിലെ സ്‌ട്രെസ് ഹോര്‍മോണുകളുടെ അളവ് വര്‍ധിപ്പിക്കുന്നു

രാത്രിയില്‍ മൊബൈല്‍ ഫോണുകളില്‍ നിന്ന് അകന്നു നില്‍ക്കുക, കാരണം ഇതിന്റെ അമിതമായ ഉപയോഗം ശരീരത്തിലെ കോര്‍ടിസോണ്‍ എന്ന സ്‌ട്രെസ് ഹോര്‍മോണിന്റെ അളവ് വര്‍ധിപ്പിക്കുകയും ഉറക്കത്തില്‍ പോലും നിങ്ങള്‍ സമ്മര്‍ദത്തിലായിരിക്കുകയും ചെയ്യും.

ഡിഎന്‍എ ഘടന തകരാറിലായേക്കാം

എല്ലായ്‌പ്പോഴും മൊബൈല്‍ ഫോണ്‍ ശരീരത്തോട് ചേര്‍ന്ന് നില്‍ക്കുന്നത് നിങ്ങളുടെ ഡിഎന്‍എയുടെ ഘടനയെ നശിപ്പിക്കുകയും ചെയ്യും. മൊബൈല്‍ ഫോണുകളില്‍ നിന്ന് പുറന്തള്ളുന്ന റേഡിയേഷന്‍ ഡിഎന്‍എയുടെ ഘടനയെ ബാധിക്കുമെന്ന് പല ഗവേഷണങ്ങളിലും വെളിപ്പെട്ടിട്ടുണ്ട്.

വിഷാദവും സമ്മര്‍ദവും

മൊബൈല്‍ ഫോണുകളില്‍ നിന്ന് പുറന്തള്ളുന്ന റേഡിയേഷന്‍ തലച്ചോറിനെ ദോഷകരമായി ബാധിക്കും. ഇക്കാരണത്താല്‍, തലച്ചോറിലെ ഞരമ്പുകള്‍ ചുരുങ്ങാന്‍ തുടങ്ങുന്നു, ഇതുമൂലം ശരിയായ അളവില്‍ ഓക്‌സിജന്‍ തലച്ചോറിലെത്തുന്നില്ല. മൊബൈല്‍ ഫോണ്‍ റേഡിയേഷന്റെ ദൂഷ്യഫലങ്ങള്‍ കാരണം വിഷാദരോഗം, പിരിമുറുക്കം തുടങ്ങിയ രോഗങ്ങളുടെ തോത് ഇന്ന് ആളുകളില്‍ വര്‍ധിച്ചുവരികയാണ്.

പ്രമേഹവും ഹൃദ്രോഗ സാധ്യതയും

രാത്രിയില്‍ മൊബൈല്‍ ഫോണ്‍ അടുത്ത് വെച്ച് ഉറങ്ങുന്നത് ക്യാന്‍സര്‍ പോലുള്ള രോഗങ്ങള്‍ വരാനുള്ള സാധ്യത മാത്രമല്ല, പ്രമേഹവും ഹൃദ്രോഗവും വരാനുള്ള സാധ്യത പലമടങ്ങ് വര്‍ധിപ്പിക്കുന്നു.

കണ്ണിന്റെ കാഴ്ചയില്‍ മങ്ങലേല്‍ക്കും

രാത്രിയില്‍ അടുത്ത് വെച്ച് ഉറങ്ങുമ്പോള്‍ മൊബൈല്‍ ഫോണ്‍ വൈബ്രേറ്റ് ചെയ്യുമ്പോഴോ റിംഗ് ചെയ്യുമ്പോഴോ നമ്മള്‍ ഫോണിലേക്ക് നോക്കും. അത്തരമൊരു സാഹചര്യത്തില്‍, ഇരുട്ടില്‍ ഫോണിന്റെ വെളിച്ചം ആവര്‍ത്തിച്ച് കാണുന്നത് നമ്മുടെ കണ്ണുകള്‍ക്ക് ദോഷം ചെയ്യും.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.

Comments are closed for this post.