2020 October 24 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ജുനൈദിന്റെ വീട് എസ്.കെ.എസ്.എസ്.എഫ് നേതാക്കള്‍ സന്ദര്‍ശിച്ചു

ന്യൂഡല്‍ഹി: തീവണ്ടിയാത്രയ്ക്കിടെ വര്‍ഗീയവാദികള്‍ കൊലപ്പെടുത്തിയ ജുനൈദിന്റെ വീട് എസ്.കെ.എസ്.എസ്.എഫ് പ്രതിനിധി സംഘം സന്ദര്‍ശിച്ചു. എസ്.കെ.എസ്.എസ്.എഫ് സംസ്ഥാന സെക്രട്ടേറിയറ്റ് അംഗം താജുദ്ദീന്‍ ദാരിമി പടന്നയുടെ നേതൃത്വത്തിലുള്ള സംഘമാണ് ഇന്നലെ രാവിലെ ഹരിയാനയിലെ ബല്ലഭ്ഗഡിലുള്ള ജുനൈദിന്റെ വസതിയിലെത്തിയത്. ജുനൈദിന്റെ പിതാവ് ജലാലുദ്ദീനോട് വിവരങ്ങള്‍ ആരാഞ്ഞ സംഘം പ്രാര്‍ഥന നിര്‍വഹിച്ച ശേഷമാണ് മടങ്ങിയത്. തീവണ്ടിയാത്രയ്ക്കിടെ ആക്രമണത്തില്‍ പരുക്കേറ്റ സഹോദരങ്ങളായ ഹാഷിമിനെയും ശാക്കിറിനെയും കണ്ട പ്രതിനിധി സംഘം ഇവരോട് ചികില്‍സാ വിവരങ്ങള്‍ ചോദിച്ചറിഞ്ഞു. വീട്ടുകാര്‍ക്കുള്ള എസ്.കെ.എസ്.എസ്.എഫിന്റെ ‘സഹചാരി’ ധനസഹായം പിതാവിന് കൈമാറി.

എസ്.കെ.എസ്.എഫ് ഡല്‍ഹി ചാപ്റ്റര്‍ ഭാരവാഹികളായ ശക്കീല്‍ ഹുദവി, റാഫി ഹുദവി, റിയാസ് ഹുദവി, ബിലാല്‍ വെളിയങ്കോട്, താജുദ്ദീന്‍ വെള്ളാപ്പ് എന്നിവരും സംഘത്തിലുണ്ടായിരുന്നു.

 

Advt.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.