2022 May 20 Friday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

സമാധാന തുരുത്തിനെ വിഷലിപ്തമാക്കാനുള്ള കേന്ദ്ര സർക്കാർ നടപടികൾ ആപത്കരം: സഊദി സമസ്ത ഇസ്‌ലാമിക് സെന്റർ

റിയാദ്: സമാധാന തുരുത്തായ ലക്ഷദ്വീപിനെ വിഷലിപ്മാക്കാനുള്ള കേന്ദ്ര സർക്കാർ നടപടികൾ ആപത്കരവും ദൂരവ്യാപകമായ പ്രത്യാഘാതങ്ങൾ ഉണ്ടാക്കുന്നതാണെന്നും ഇത്തരം നെറികെട്ട പ്രവർത്തനങ്ങളിൽ നിന്ന് ഭരണകൂടം പിന്മാറണമെന്നും സമസ്ത ഇസ്‌ലാമിക് സെന്റർ സഊദി ദേശീയ കമ്മിറ്റി ആവശ്യപ്പെട്ടു. ലക്ഷദ്വീപിലെ എല്ലാ ഡയറി ഫാമുകളും അടക്കാനും, വെറ്റിനററി സർജന്റെ നേതൃത്വത്തിൽ മൃഗങ്ങളെ ലേലം ചെയ്യാനും ഉത്തരവിട്ടിരിക്കുകയാണ്. ദ്വീപ് നിവാസികളുടെ പ്രധാന വരുമാന മാർഗങ്ങളിലൊന്നായ പാൽ ഉത്പാദനം പൂർണ്ണമായും ഇല്ലാതാക്കുന്നതോടൊപ്പം ബിജെപി തങ്ങളുടെ വർഗ്ഗീയ അജണ്ട അടിച്ചേൽപ്പിച്ച് ഇവിടം അരക്ഷിതമാക്കാനാണ് ശ്രമിക്കുന്നത്. 

ജനങ്ങളുടെ വരുമാനം മാർഗ്ഗം ഇല്ലാതാക്കിയും പാൽ ഉത്പാദനം നിർത്തലാക്കിയും ലക്ഷദ്വീപിൽ വിറ്റഴിക്കാൻ ഒരുങ്ങുന്ന അമൂൽ ഉത്പന്നങ്ങൾ ബഹിഷ്കരിക്കാനാണ് നിവാസികളുടെ തീരുമാനം. രാജ്യത്തെ ജനങ്ങളെ സംരക്ഷിക്കാൻ ബാധ്യതപ്പെട്ട സർക്കാർ അവർക്ക് ഉപകാരം ചെയ്യുന്നതിന് പകരം അവരെ ഉപദ്രവിക്കുകയാണ് ചെയ്യുന്നത്. ഇതിനെതിരെ മതേതര ചേരിയിൽ നിന്ന് അതി ശക്തമായ പ്രതിഷേധം ഉണ്ടാവണം എന്നും എസ്‌ഐസി  അഭ്യർത്ഥിച്ചു.

ബിജെപി ഗവണ്മെന്റിന്റെ വിവേചനപരാമായ നയങ്ങൾ പ്രതിഷേധാർഹമാണെന്നും ദ്വീപ് നിവാസികൾക്ക് കേരളീയ സമൂഹം അർപ്പിക്കുന്ന സർവ്വ വിധ പിന്തുണക്കൊപ്പം സമസ്ത ഇസ്‌ലാമിക് സെന്ററും കൈകോർക്കുന്നുവെന്നും എസ് ഐ സി ദേശീയ ഭാരവാഹികൾ പ്രസ്താവാനയിൽ ആവശ്യപ്പെട്ടു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.