2022 May 21 Saturday
ചെയ്യേണ്ടത് ചെയ്യാതിരിക്കുന്നതും ചെയ്യരുതാത്തത് ചെയ്യുന്നതും ഒരുപോലെ തെറ്റാണ് -തിരുക്കുറള്‍

ഒരു രാജ്യം, ഒരു ഭാഷ; ഹിന്ദി വിഷയത്തില്‍ അമിത് ഷായെ പിന്തുണച്ച് സഞ്ജയ് റാവത്ത്

മുംബൈ: ഒരു രാഷ്ട്രം, ഒരു ഭാഷ എന്ന അമിത് ഷായുടെ ആശയത്തെ പിന്തുണച്ച് ശിവസേന നേതാവ് സഞ്ജയ് റാവത്ത്. ഇന്ത്യയിലുടനീളം ഹിന്ദി സംസാരിക്കുന്നുണ്ടെന്നും ആശയത്തിന് സ്വീകാര്യതയുണ്ടെന്നും അദ്ദേഹം പറഞ്ഞു.

ഹിന്ദി അടിച്ചേല്‍പ്പിക്കാനുള്ള ശ്രമങ്ങളെ അപലപിക്കുകയും ഭാഷ പഠിച്ചാല്‍ ജോലി ലഭിക്കുമെന്ന അവകാശ വാദങ്ങളെ ചോദ്യം ചെയ്യുകയും ചെയ്ത തമിഴ്‌നാട് വിദ്യാഭ്യാസ മന്ത്രി കെ പൊന്‍മുടിയുടെ ചോദ്യത്തിന് മറുപടിയായാണ് റാവത്തിന്റെ പരാമര്‍ശം.

എല്ലായിടത്തും ഒരു ഭാഷയെന്ന വെല്ലുവിളി കേന്ദ്രമന്ത്രി അമിത് ഷാ സ്വീകരിക്കണമെന്ന് അദ്ദേഹം പറഞ്ഞു. തമിഴ്‌നാട് മന്ത്രിയുടെ പരാമര്‍ശത്തെക്കുറിച്ചുള്ള ചോദ്യത്തിന്, തന്റെ പാര്‍ട്ടി എപ്പോഴും ഹിന്ദിയെ ബഹുമാനിക്കുന്നുണ്ടെന്ന് റാവത്ത് പറഞ്ഞു.

‘സഭയില്‍ അവസരം കിട്ടുമ്പോഴെല്ലാം ഞാന്‍ ഹിന്ദിയിലാണ് സംസാരിക്കുന്നത്. കാരണം ,ഞാന്‍ പറയാന്‍ ആഗ്രഹിക്കുന്നത് രാജ്യം കേള്‍ക്കണം, ഹിന്ദി രാജ്യത്തിന്റെ ഭാഷയാണ്. സ്വീകാര്യതയുള്ളതും. രാജ്യം മുഴുവന്‍ സംസാരിക്കുന്നതുമായ ഒരേയൊരു ഭാഷ ഹിന്ദിയാണ്. ‘- റാവത്ത് പറഞ്ഞു.

ഹിന്ദി സിനിമാ വ്യവസായം രാജ്യത്തും ലോകത്തും സ്വാധീനമുള്ളതാണെന്നും ഒരു ഭാഷയെയും അപമാനിക്കരുതെന്നും അദ്ദേഹം കൂട്ടിച്ചേര്‍ത്തു.


ഏറ്റവും പുതിയ വാർത്തകൾക്കും വീഡിയോകൾക്കും സബ്‌സ്ക്രൈബ് ചെയ്യുക

Advt.


കമന്റ് ബോക്‌സിലെ അഭിപ്രായങ്ങള്‍ സുപ്രഭാതത്തിന്റേതല്ല. വായനക്കാരുടേതു മാത്രമാണ്. അശ്ലീലവും അപകീര്‍ത്തികരവും ജാതി, മത, സമുദായ സ്പര്‍ധവളര്‍ത്തുന്നതുമായ അഭിപ്രായങ്ങള്‍ പോസ്റ്റ് ചെയ്യരുത്. ഇത്തരം അഭിപ്രായങ്ങള്‍ രേഖപ്പെടുത്തുന്നത് കേന്ദ്രസര്‍ക്കാറിന്റെ ഐടി നയപ്രകാരം ശിക്ഷാര്‍ഹമാണ്.